​Леброн Жэймс: Хэн нь шилдэг вэ? гэх байнгын харьцуулалтаас залхаж байна

Леброн Жэймс өөрийн гэсэн подкасттай болсныхоо гол учир шалтгааныг тайлбарлажээ.

“Бид сагсанбөмбөгийн жинхэнэ утга агуулга, мөн чанарыг алдаад байх шиг санагдах болллоо. Тиймээс би хүмүүст тэр утга учир, мөн чанарыг нь ойлгуулахыг хүссэн юм.

Хэн нь шилдэг вэ? гэх байнгын харьцуулалтаас залхах боллоо. Хэн илүү нөлөө үзүүлсэн бэ? гэх асуулт ч бас залхаалаа.

Энэ залуу 1950-аад онд хэрхэн тоглох байсан бэ? гэх мэт яриа ч улиг боллоо. Ийм яриа залууст ямар ч хэрэггүй. Иймэрхүү юмаа үсээ засуулж суухдаа л ярина уу гэхээс төв телевизээр өдөр бүр яриад байх утгагүй. Хүмүүст шинэ хандлага, дүн шинжилгээ хэрэгтэй байна. Тиймээс хайртай сагсанбөмбөгийнхөө утга учир руу өнгийлгөе гэж бодсон юм.

Жэй Жэй Рэдик ч надтай адил үзэл бодолтой хүн. Энэ талаар би хэдийнээс бодсон ч одоо эхлэх цаг нь болсон гэж бодож байна” хэмээн Леброн Жэймс өгүүлжээ.

Леброн Жэймс, Жэй Жэй Рэдик нарын хамтарсан Mind the Game подкаст гуравдугаар сарын 19-нд эхний дугаараа гаргасан билээ.