Хамтран тоглосон Speed киноныхоо 30 жилийн ойг Сандра Буллок, Киану Ривз нарын зэрэг киноны хамт олон саявтархан тэмдэглэж, хэд хэдэн үйл ажиллагаа, ёслолд оролцсон.
Тэгвэл одоо Киану Ривз найз Сандра Буллокт тохирох эрийг олж, шинжиж өгөхийг хүсч байгаа гэнэ. “Мэдээж, Сандраг шинэ хүнтэй танилцаад, аз жаргалтай байгаасай гэж Ривз их хүсч байгаа. Хэрвээ Сандра сэтгэлзүйн хувьд бэлэн болох юм бол түүнд тохирох эрчүүдийн жагсаал ч Ривзэд байж мэднэ. Сандраг болзоонд яваасай, сэтгэл санаа нь өөдрөг байгаасай тэр их хүсдэг. Тиймээс шаардлагатай үед Купидоны дүрийг бүтээхэд бэлэн” гэж Closer-т жүжигчний ойрын гэх эх сурвалж өгүүлжээ. Купидон гэдэг нь Эртний Ромын домгоор бол хайр сэтгэлийн бурхан юм.
Сандра Буллок одоо 60 настай. Жилийн өмнө түүний хайртай эр Брайан Рэндалл 57 насандаа ертөнцийн мөнх бусыг үзүүлсэн юм. Сэтгэл цочролд орсон жүжигчин түүнээс хойш олны өмнө гаралгүй олон сар болсон.
Харин Киану Ривзийн хувьд зураач эмэгтэй Александра Гранттай сүүлийн хэдэн жил хамтдаа амьдарч байгаа. Ривз 30 настайдаа маш хүнд зовлонтой нүүр тулсан түүхтэй. Түүний найз бүсгүй Женнифер Сайм 1999 онд амаржсан ч хүүхэд нь амьгүй төрсөн. Үүнээс хойш жилийн дараа Сайм 28 насандаа авто ослоор нас барсан юм. Тиймээс үхэл хагацал гэдэг ямар аймшигтайг мэдэхийн учир Буллокт туслахыг Ривз их хүсч буй ажээ.
Сэтгэгдэл (0)
Сэтгэгдэл бичигдээгүй байна