Сүүлийн сар гаруйн хугацаанд хүчин, хүчирхийлэл, хүний наймаа, рэкетийн хэрэгт сэжиглэгдэж, аймшигт завхай үдэшлэгээрээ шуугиулсан Пи Диддиг алдартай рэпперийг хөнөөсөн хэрэгт буруутган шалгахаар болж байна.
Рэппер Тупак Шакурыг хөнөөсөн хэргийг Пи Дидди захиалсан байж магадгүй хэмээн үзэж, мөрдөн шалгахаар болжээ. Тупак Шакурын гэр бүл өмгөөлөгч авч, албан ёсоор Пи Диддиг аллагын хэрэгт мөрдөн шалгуулахаар гомдол гаргасан байна. Тупак Шакурын аллагын хэргийг нүдээр харсан гэрчүүдээс ганцаараа амьд үлдсэн Дуэйн Кэффи Ди Дэвис хэд хэдэн удаа энэ хэргийн захиалагч, зохион байгуулагч нь Пи Дидди гэж мэдэгдсэн дээр үндэслэн ийнхүү гомдол гаргажээ.
Пи Дидди энэ хэрэгт өөрийгөө хамааралгүй гэж мэдэгдсэн ч гэлээ гэрчийн хэд хэдэн удаагийн мэдэгдэл хамааралтай байх магадлалтай гэх сэжиг төрүүлж байгаа юм.
1996 оны есдүгээр сарын 7-нд Невада мужийн Лас-Вегас хотын гудамжинд шөнийн 23:15 цагийн орчимд 25 настай Тупак Шакурыг машинтайгаа замын улаан гэрлийн дагуу дохион дээр зогсож байхад нь цагаан өнгийн Кадиллак машинтай этгээдүүд хэд хэдэн удаа буудаж, шархдуулжээ. Эмнэлэгт яаралтай хүргэсэн ч зургаан хоногийн дараагаар эмнэлгийн лифтэнд Тупак Шакур шархныхаа улмаас амьсгал нь боогдож, зүрх нь зогссон юм.
Сэтгэгдэл (0)
Сэтгэгдэл бичигдээгүй байна