Пи Диддигийн дуулиантай хэрэг дэлгэгдсээр буйтай холбоотойгоор Жастин Бибер ам нээхээс ч буцахгүй гэж түүний ойрын гэх эх сурвалж Us Weekly-д ярьжээ.
Жастин Бибер 14, 15 настай байхдаа Пи Диддигийн алдартай завхай, тамын тэр үдэшлэгт оролцож, өөрөө бай болсон байж магадгүй гэсэн олон нийтийн хардлага бий. Түүнээс хойш сэтгэл санааны гутралд орж, хар тамхинд донтсон ч гэж зарим нь үзэж байгаа. Гагцхүү тэр талаараа Жастин Бибер өөрөө ам нээх эсэх нь олны анхаарлыг татаад байгаа юм.
“Жастины хийхийг хүсэхгүй байгаа зүйл бол Диддитэй ямар харьцаатай байснаа эргэн сөхөж, сэтгэл санаагаа дахин зовоохгүй байх. Гэхдээ найз нөхөдтэйгөө энэ талаар ярьдаг болсон сайн тал бас бий. Дидди түүнийг хувийн тамд унагасан гэж хэлж болно.
Одоохондоо Бибер эхнэр Хэйли болон хүү Жектээ гол анхаарлаа хандуулж байгаа ч бусдад тус дэм болно гэвэл болж өнгөрсөн явдлын талаар ярихаас буцахгүй. Ам нээгээд нэгмөсөн тэр тамын тойргоос гарчихъя гэж бодож байгаа” хэмээн ойрын гэх эх сурвалж нь өгүүлжээ.
Жастин Бибер хар тамхинд донтож, амиа хорлох тухай бодож, олны өмнө удаа дараалан гажиг гэмээр үйлдэл хийсэн нь Диддитэй холбогдсон харьцаанаас үүдсэн сэтгэлийн шархтай холбоотой гэж мөн ярьсан байна. Тиймээс ч бага наснаасаа од болж буй хүүхэд залууст туслахыг хүсдэг гэнэ. Тухайлбал, 2020 онд Билли Айлишт ямар нэгэн тус дэм хэрэгтэй бол нөмөр болж туслахад бэлэн гэдгээ мэдэгдэж байсан.
Пи Диддигийн хэргийн тухайд нэмж нэг хүнийг дурдахад Бейонсе ам нээсэн. Тэрбээр Пи Диддитэй танил, гэрт нь очиж үдэшлэгт оролцож байсан ч гэлээ тийм аймшигтай явдлыг мэдэхгүй өнгөрсөн гэсэн байна.
Сэтгэгдэл (0)
Сэтгэгдэл бичигдээгүй байна