Монгол Улсад өнгөрсөн есдүгээр сард тоглолтоо хийсэн БНСУ-ын жүжигчин, дуучин Жүн Жи Хүн буюу Rain болон эхнэр, Солонгосын гоо үзэсгэлэнт жүжигчин бүсгүй Ким Тэхигийн хайрын түүх нь их алдартай. Тэд анх сурталчилгаанд хамт тоглож, зураг авалтын үед танилцсан бөгөөд бүсгүй залууг хөнгөн, шалиг зантай байж магадгүй хэмээн үзэж, нүүр өгөөгүй байдаг.
Rain харин Ким Тэхид татагдаж, араас нь удаан хугацаанд шаргуу хөөцөлдсөн. Зураг авалтын талбайд хоол ирэхэд жүжигчин бүсгүй тавган дээр маш их үхрийн мах болон бусад төрлийн хоол авахыг хараад гайхсан ч менежертээ аваачиж өгөхийг хараад их таалагдсан талаар ярьсан байдаг.
Rain цэрэгт явахаасаа өмнө Ким Тэхи руу олон удаа утастаж хоолонд урьсан ч тухай бүр шаардлагагүй гээд эрс татгалзаж байсан. Харин цэргээс чөлөөгөөр ирээд мессэж бичтэл хоолонд орохыг зөвшөөрснөөр тэдний хайрын түүх эхэлсэн. 2013 оноос үерхэж, 2017 онд маш бага зардлаар сүмд хуримаа хийсэн нь тухайн үед шуугиан дэгдээсэн бөгөөд түүнээс хойш тус сүмд хүмүүс олноор хуримлах болжээ. Хосууд 2 охинтой бөгөөд нэгнээ хүндэлж, хайрлах арга ухаанаас нь хүмүүс суралцдаг, тэднийг төгс хос гэж үздэг.
Сэтгэгдэл (3)