Португалын 39 настай хөлбөмбөгч Криштиано Роналдо сошиал ертөнцөд 1 тэрбум дагагчтай анхны хүн болсноо зарлалаа.
Инстаграмд 639 061 429, фэйсбүүкт 170 509 113, X-д 113 026 345, YouTube-д 60 500 284, Хятадын KuaiShou-д 9 372 710 мөн Weibo-д 7 530 121 дагагчтай болсноор тэрбумд хүрсэн байна.
“Тэрбум дагагчтай болж, бид түүх бүтээлээ!
Энэ бол тоо төдий зүйл биш. Энэ бол бидний эрч хүч, нэгдмэл хүсэл сонирхол, спортод дурласан сэтгэл гээд олон зүйлтэй холбоотой.
Мадэйрагийн гудамжнаас Дэлхийн хамгийн том стадионууд хүртэл тэмүүлэхдээ би үргэлж гэр бүл, та бүхний төлөө зүтгэсэн. Одоо бид тэрбумуулаа хамт байх боллоо.
Уналт босолт бүхэнтэй минь та бүхэн хамт байсан. Энэ бол бидний зам. Хамтдаа байвал хаана ч хүрч чадна, хязгаар үгүй гэдгийг бид харуулсан.
Надад итгэж, дэмжсэн та бүхэнд баярлалаа. Намайг амьдралынхаа нэг хэсэг байлгадаг та нартаа талархая. Бид үүгээр зогсолгүй урагшлах болно, улам урагшаа тэмүүлэх болно. Хамтдаа түүх бүтээсээр байх болно” хэмээн Роналдо өгүүлсэн байна.
Сэтгэгдэл (0)
Сэтгэгдэл бичигдээгүй байна