Парисын олимпын наадмын эхлэл сайн сайхан гэхээсээ саар зүйлээр арай ахиу байх шиг. Олон Улсын Олимпын Хорооны төлөөлөгчдийн буусан зочид буудлын ажилчид ажил хаялт зарлалаа. Мөн хурдан галт тэрэгний хуваарь зөрж, эмх замбараагүй байдал үүсэх болжээ. Үүн дээр жүдо ордны шал нягтаршил нь өөр өөр байгаагаас болж дахин шаллах болов.
Тэгж байтал Олимпын хотхон дахь Carrefour сүлжээ дэлгүүр өндөг, шинэ хүнсний ногоо зэрэг хоол хүнсний зүйл дутагдалтай, нийлүүлэлт удаан байгаа гэнэ. Мөн дээр нь олимпын хотхоны рестораны хоол түүхий махтай байгаад Их Британийн баг тамирчдын төлөөлөгч Энди Энсон гомдол гаргажээ. Хүнсний тал дээр бэрхшээл гарч буй учраас Их Британийн баг тамирчид өөрсдийн хотхондоо л хооллож байхаар шийдэж, нэмж тогооч авчруулсан байна.
Сэтгэгдэл (0)
Сэтгэгдэл бичигдээгүй байна