Жастин болон Хэйли Бибер нар энэ зуны сүүлчээр ууган хүүхдээ өлгийдөн авахаар зэхэж буйгаа инстаграмд оруулсан бичлэгээрээ харууллаа.
Хэйли Saint Laurent-ийн торон цагаан өнгийн хуримын даашинзтай бичлэг дээр гэдэс нь нэлээн томорсон нь илт анзаарагдана. Түүний ойр тойрныхны баталж буйгаар бол зургаан сартай жирэмсэн ажээ. Хавайд хийлгэсэн энэ бичлэг дээрээс хүмүүс мөн Хэйлигийн хуруунд шинэ хуримын бөгж байгааг ч анзаарчээ. Жастин Бибер хөл хүнд болсон эхнэртээ хуримын амлалтаа давтан, аз жаргалтай мөчөө мөнхөлж үлдээсэн нь энэ юм.
2018 онд тэд гэрлэснээс хойш олон хэцүү давааг давж гарсан гэдэг. 2021 онд Хэйли нэгэн ярилцлагадаа Жастиныг хар тамхины хамаарлаас гаргахад маш хүнд байсныг дурсахдаа “Тэгэхэд аав минь мөн яг ийм хамааралтай хэрхэн тэмцэж байсан нь санаанд ордог байлаа” хэмээн ярьсан удаатай.
Харин жилийн өмнө Жастин ярилцлагадаа “Юм бүхний анхаарлын төвд байдаг амьдралаасаа “зугтах”-ын тулд хар тамхи хэрэглэдэг байсан” гэж хэлсэн юм. Гэвч эцэстээ энэ хамаарал нь түүнийг “үхүүлж” буйг мэдэж, маш хэцүү тэмцэл хийснээ ярьсан байдаг.
Бичлэг дээр тэдний амлалтын гэрч болж буй номлогч бол Жүд Смит гэх нэгэн аж. Зургаан жилийн өмнөх хурим дээр нь өөр номлогч буюу оюун санааны багш байсан ч тэр хүн эхнэрээ хуурч байсан нь нотлогдсон тул Жастин Бибер номлогчоо сольж, Жүд Смитэд найддаг болжээ.
Сэтгэгдэл (0)
Сэтгэгдэл бичигдээгүй байна