Хүүхэд залуучуудын театрын нээлтийн ажиллагаа маргааш /2024.04.25/ 14 цагаас болно.
Манай улсад 1951 онд Хүүхдийн төв театр байгуулагдаж, 1967 онд Хүүхэд залуучуудын театр болгон үйл ажиллагааг нь өргөжүүлжээ. 1997 онд төрд ногдох хувьцааг худалдах нөхцөлөөр хувьчилснаар улсын хэмжээнд хүүхэд залуучуудад зориулсан мэргэжлийн уран бүтээл туурвих театргүй болсон. 2021 оны 6 дугаар сарын 1-нд Засгийн газрын хуралдаанаар Нийслэлийн Сонгинохайрхан дүүргийн тавдугаар хороонд Хүүхэд, залуучуудын театр байгуулахаар шийдвэрлэсэн бөгөөд барилгын ажил дуусаж, өргөн үүдээ нээж байна.
Тус театр нь 760 хүний суудалтай, сүүлийн үеийн техник тоног төхөөрөмж бүхий, улсын жишиг театр болох зорилт тавин ажиллаж байгаа аж.
Театрт тавигдах эхний жүжиг нь Төрийн шагналт, СГЗ Д.Батбаярын зохиолоор хийсэн “Хайрыг хайрла” бөгөөд найруулагчаар нь Төрийн соёрхолт, УГЗ Н.Наранбаатар ажиллажээ.
Сэтгэгдэл (0)
Сэтгэгдэл бичигдээгүй байна