61 настай Квентин Тарантино 10 дахь уран сайхны киногоо хийчихээд найруулагчийн ажилдаа цэг тавина хэмээн зарласан. Тэр 10 дахь бүтээл нь The Movie Critic болох ёстой байлаа. Гэвч энэхүү бүтээлийг гүйцээж хийхээсээ гэнэт татгалзсан байна.
Гэхдээ татгалзсан нь гэдэг The Movie Critic-ийг сүүлчийн бүтээлээ болгохоос татгалзсанаас биш 10 дахь киногоо хийхээс бол татгалзсан хэрэг биш аж.
The Movie Critic-ийн гол дүрийг Брэд Питт бүтээхээр болсон тухай мэдээлээд амжсан байлаа. Киноны гол үйл явдал нь “томчуудын сэтгүүл”-д киноны шүүмж бичдэг нэгэн эрийн амьдралын тухай юм.
Брэд Питтийн ярьснаар бол тэр баатар нь маш бүдүүлэг үг яриатай, арьс өнгөөр ялгаварлан гадуурхагч, үнэндээ нохойн баас шиг нэгэн ч гэлээ их хөгжилтэй гэнэ. Гэвч одоо тэр баатартай хэн ч уулзахааргүй болох нь энэ.
“Алдартай кинонуудын талаар шүүмж бичдэг алдаргүй нэгэн байхгүй юу. Миний бодлоор бол уг нь сайн шүүмж бичдэг. Маш хянамгай хандана” хэмээн Тарантино гол дүрээ тодорхойлж байлаа.
Гэхдээ Тарантино өмнө нь орхисон киноныхоо төсөл дээр эргэн сууж, бүтээлээ гаргасан тохиолдол байгааг хэвлэлүүд мөн сануулжээ.
Сэтгэгдэл (0)
Сэтгэгдэл бичигдээгүй байна