Уран гулгалтын од Камила Валиева Олимпын аварга Алиса Льюгийн тухай "Тэр өөрийнхөө эрч хүчээр хүн бүрийг татаж чаддаг. Яг л танхим дүүрэн хүмүүсийг тэврээд "За, бүжиглэцгээе, хараарай, мэдрээрэй, таашаагаарай" гэж хэлж байгаа мэт.
Тэр мөчид, үзүүлбэрээ үзүүлж байсан тэр хэдхэн минутад үнэхээр гайхамшигтай байсан. Би тоглолтыг нь зурагтаар үзэж байгаад энэ чинь Олимпын наадам гэдгийг хүртэл мартчихсан. Зүгээр л уярч "Ямар мундаг юм бэ" гэж бодсон. Түүнийг түрүүлсний дараа би зурвас бичээгүй. Миний мессежийг харахгүй байх гэж бодсон юм.
Бид 2019 онд өсвөрийн ангилалд хамт тэмцээнд оролцож байлаа. Тэр үед би англи хэл мэддэггүй байсандаа их харамсдаг. Алиса миний санаанд тэр үеэс л үргэлж, чин сэтгэлээсээ инээмсэглэж явдаг охины дүрээр үлдсэн. Бас үнэхээр гайхалтай хөдөлмөрч.
Богино хөтөлбөрийн өмнөх өдөр бэлтгэл хийж байхад тэр чөлөөт хөтөлбөрөө бүтнээр нь гулгачихна. Чөлөөт хөтөлбөрийн өмнөх бэлтгэл дээр дахиад л хөтөлбөрөө бүтнээр нь гулгана. Гэхдээ энэ бүхнийг яг л асар их баяр баясгалан авч байгаа мэт хийнэ. .
Харин 2022 оны Олимпын үеэр түүнийг би бараг огт санадаггүй. Бид чинь нэг тэмцээнд оролцож байсан шүү дээ. Гэтэл тэр үе миний дурсамжид яг л хөшиг татчихсан мэт...
Би Алисагийн ярилцлагуудыг уншсан. Карьертаа авсан тэр завсарлага түүнд их тус болсон юм шиг санагдсан. Хэрэв би андуураагүй бол тэр хугацаанд сэтгэлзүйчтэй ажиллаж байсан гэсэн.” гэжээ.
Сэтгэгдэл (0)
Сэтгэгдэл бичигдээгүй байна