МАН-ын дарга Н.Учрал намын Бага хуралдаа "Эрх чөлөөний дөрвөн зам, дөрвөн чөлөөлөлт" сэдэвт улс төрийн илтгэл тавих үеэрээ УИХ-ын гишүүн Д.Амарбаясгалан, Х.Булгантуяа, Эрчим хүчний сайд асан Н.Тавинбэх, А.Амундра нарыг МАН-ын гишүүнээс чөлөөлөх санал гаргаж буйгаа мэдэгдэв.
Тэрбээр "Урьдын гавьяа авилга, албан тушаалын хэрэг, ёс зүйн зөрчлөөс халхлах бамбай болох учиргүй" гэж мэдэгдсэн юм.
Намын хяналтын хороо эдгээр гишүүдийг гишүүнээс түдгэлзүүлэх асуудлыг шийдвэрлэх аж. Шүүхээр гэм буруутай эсэхээ тогтоолгосны дараа намын гишүүнчлэлээ эргэн сэргээлгэх эрх нь нээлттэйг ч НУчрал хэлсэн үгэндээ дурдсан юм.
Н.Учрал Эрх чөлөөний дөрвөн зам, дөрвөн чөлөөлөлт гэдэгт:
1. Эдийн засгийн чөлөөлөлт
2. Эрх зүйн чөлөөлөлт
3. Ногоон хөгжлийн чөлөөлөлт
4. Авлигын эсрэг чөлөөлөлт гэж онцлов.
Авлигын эсрэг чөлөөлөлтийн хүрээнд ийнхүү 4 гишүүнээ түдгэлзүүлж байгаа бөгөөд цаашид ч энэ мэт чөлөөлөлт үргэлжлэх бололтой.
Сэтгэгдэл (0)
Сэтгэгдэл бичигдээгүй байна