Могойнуудын тухайд морь жил ялалт, амжилтын жил байх магадлал бага. Энэ нь жилийн эзэн морь танд тааламжгүй хандана гэсэн үг биш, харин зүгээр л морь уралдаан дундаа бариаг л харахаас бусдыг анзаардаггүйтэй холбон ойлгож болно. Морины гал халуун зан энэ жилийг хурдан өөрчилж, таамаглашгүй болгох нь удаан хөдөлдөг могойд таалагдахгүй. Могой цагийг чулуу дээр хэвтэж нарны дулаанд амарч өнгөрөөж сурсан бол энэ жил амьдрал таныг хаа нэгтээ гүйх, ямар нэгэн зүйлийн төлөө тэмцэх, хэн нэгнээс түрүүлэхийг шаардана. Ухаалаг, няхуур могой энэ хөөцөлдлөөс татгалзах магадлал өндөр.
Энэ жил могой албан тушаал ахих, эрс өөрчлөлт хийхэд тийм ч амаргүй. Удирдагч болохыг эрмэлзлээ ч эргэн тойронд илүү хүчтэй, хурдан өрсөлдөгчид олон байх төлөвтэй. Дотоод эв нэгдлийг хадгалах, хувь тавиланд ирэх цохилтуудаас цаг алдалгүй зайлсхийхэд анхаарах шаардлага гарч мэднэ.
Ажлын талбарт таныг бүх зүг рүү татаж, уян хатан байдал, тэсвэр тэвчээрийг тань шалгах тул гэртээ тав тухыг эрэлхийлэх болно. Гэр бүлийнхэн чинь таныг сонсож, ойлгож, туслахыг хичээх болно. Тэд таныг хамгаалж, дэмжинэ. Гэмгүй мэт санагддаг хүн гэнэт хорт могой болон хувирахыг үзэж, харамсах тохиолдол гарч магадгүй.
Энэ жил та илүү том орон сууц хайх эсвэл засвар хийхэд анхаарвал зохимжтой, учир нь морь орон сууц, амьдрах орчныг сайжруулах хүсэлтэй хүмүүст ээлтэй хандана.
Хосын харилцаа бүрэн тогтворжоогүй бол олон сорилт тулгарч магадгүй. Мөнгө, санхүүгийн байдал, өрсөлдөгчид, хосын эцэг эх гэх мэт олон зүйлээс шалтгаалсан сорилтуудаар шалгаж, эцэст нь салалт эсвэл аз жаргалтай хурим руу хүргэнэ. Хэрвээ хайр чин үнэн сэтгэлээс, харилцан ойлголцолд тулгуурласан бол та ямар ч сорилтыг даваад гарах боломжтой. Гол нь түр зуурын маргаан, санал зөрөлдөөнийг хэт хүндээр хүлээж авах хэрэггүйг сануулъя.
Та сэтгэлээ нээлттэй илчилж болно, гэхдээ хүн заримдаа уураа барьж чадахгүй, хосдоо шударга бус, ширүүн үг хэлж, алдаа гаргадгийг анхаараарай. Олон могой өөрийн хүсэл сонирхлыг нийтлэг ашиг сонирхлоос дээгүүр тавьж чадахгүй байж мэднэ. Хэрвээ та хосоо сонсож, түүний санаа бодлыг харгалзан үзэж сурахгүй бол тэр хүн таны амьдралаас гарч явах магадлал өндөр байна.
Эрүүл мэнддээ онцгой анхаарал хандуул, учир нь оддын хамгаалалт эрчим багатай байгаа тул могой амархан өвдөж мэднэ. Хэрвээ аль нэг эрхтэнд асуудал үүсвэл мэргэжлийн эмчид хандаарай. Эрүүл хоол, хангалттай нойрыг мартаж болохгүй, ингэснээр таны дархлаа нэмэгдэнэ.
Ажлын талбарт амжилт олох эсэх нь та бүхэн өмнөх жилүүдэд хэрхэн биеэ авч явснаас шалтгаална. Хэрвээ та үргэлж эргэн тойрныхондоо “хор цацаж” явсан бол тэд танд энэ жил бүр “хүүтэй нь” буцаан өгч хариу барих болно. Мэдээж дайснууд тань үхэлд хүргэхээр хордуулж чадахгүй ч өшөө хорсолтойгоор дээгүүр чинь гишгэж, бүр дэвсэлж ч магадгүй.
Хамт олонтойгоо эв найрамдалтай байхыг хичээ, эс тэгвээс та таагүй, сөрөг уур амьсгал дунд тэсэж үлдэхэд хүрнэ. Хэрвээ харилцаагаа хэвийн болгож чадахгүй бол шинэ ажил хайх талаар бодсон нь дээр байж ч мэднэ. Ийм нөхцөлд хамгийн зөв тактик бол бат бэх хамгаалалт- ингэснээр дайснууд таны босгосон “цайз”-ыг нурааж, сүүлчийн хоргодох байрыг чинь булааж чадахгүй.
Санхүүгийн хувьд ухаалаг хэмнэлт баримтлах нь чухал. Жилийн турш орлого жигд, тогтвортой байх ч хэт тансаглах боломж гарахгүй. Гэр бүлийн төсвөө нягт төлөвлөж, гэнэтийн хэрэгцээнд зориулан мөнгө хадгалж бай. Магадгүй танд хоёр дахь ажил хийх боломж гарч ирж мэднэ, энэ нь гэр бүлийн амьжиргааг зохистой түвшинд хадгалахад тусална. Түүнчлэн гэрийнхэн тань ч зүгээр суухгүй, өөрсдийн хувь нэмрийг оруулахыг хичээнэ. Энэ жилд ширүүн тэмцэлд татагдалгүй, бусадтай эв найртай амьдрахыг зөвлөе. Нарны туяанд тайван хэвтэж, өвсний сэрчигнэхийг сонсон, аз жаргал биеийн тань эс бүрийг дүүргэхийг зөвшөөрөн тайван байгаарай.
Сэтгэгдэл (0)
Сэтгэгдэл бичигдээгүй байна