МОРЬ ЖИЛИЙН ЗУРХАЙ- ХУЛГАНА ЖИЛТЭН

Хулгана жилтнүүд 2026 оны эзэн морьтой харилцан ёжлол, үл ойлголцолд бэлэн байх хэрэгтэй. Учир нь хулгана морь хоёрын ертөнцийг үзэх үзэл, амьдралын хандлага тэс өөр тул энэ нь янз бүрийн ээдрээтэй үйл явдал, жижиг зөрчилдөөн хэлбэрээр илэрнэ.

Жилийн дөрвөн хөлт ивээгч морь нь нэр алдар, гавьяаны төлөө өдөр шөнөгүй бартааг үл ажран давхихад бэлэн баатарлаг амьтан. Өндөр эрмэлзэл, их хүсэл тэмүүлэл, бусдын бахархал, магтаал- энэ бүхэн морийг урагш хөтөлдөг. Харин хулгана үүний эсрэгээр  тогтвортой байдал, дулаахан үүр, дүүрэн агуулахыг илүүд үздэг. Тэр бүрээ үлээж, үл мэдэгдэх холын замд мордохгүй, харин “айлд сайхан ч, гэртээ бүр сайхан” хэмээн ухаалгаар дүгнэнэ.

Их хүч, цаг зарцуулчхаад шагналд нь ердөө магтаал, төмөр цом авахыг хулгана ойлгохгүй. Материалист хулгана алдар гавьяанд хайхрамжгүй ханддаг, харин цалин нэмэгдэх, урамшуулал авах мэт бодит үр дүнг л илүүд үздэг. Гэхдээ энэ жилийг “удирдах  “нь халуун цуст морь тул хулгануудад хувь тавилангийн гэнэтийн эргэлт, амьдралын огцом “үсрэлт”-д бэлтгэх хэрэгтэйг сануулъя.

Болж буй үйл явдлууд нь яг л хөл дээрээ босон догширсон азарга мэт байж мэднэ. Морьтноо унагах гэж байна уу, туурайгаараа дайраөд өнгөрөх үү, эсвэл салхи шиг хурдлан давхин одоод өрсөлдөгчдөө тоос “залгиулах” гэж байна уу гэдэг нь ойлгомжгүй санагдана. Гэхдээ энэ жилийг “зүхэж”, тайвшруулах эм уух хэрэггүй. Морины тогтоосон галзуу хэмнэлд ч бас давуу тал бий. Энэ жил та ихийг амжуулна, харин зөв тактик баримталж чадвал ихийг олж ч чадна.

Хэт хурдад дотооддоо дасан зохицож чадаагүй хулганууд эрүүл мэндийн асуудалтай нүүр тулж мэднэ. Жижиг сажиг зүйл, нэг үг, эсвэл муухай харц болгонд санаа зовох хэрэггүй, учир нь энэ таны бие сэтгэлийн байдалд маш мэдрэмтгий тусаж мэднэ. Гутрал, өөртөө итгэлгүй байдал, ертөнцөд дургүйцэх мэдрэмж хулганыг сулруулж, элдэв өвчин, зовиурын шалтгаан болж мэдэх тул сэргийлээрэй. Хэрвээ та найтааж буй хүмүүсээс чөтгөр ариун хүжнээс зугтаадаг шиг дөлж, өдөржин өндөр халуурлын улмаас орондоо хэвтэхийг хүсэхгүй бол тайван байдал, өөрийгөө барих чадварыг одооноос хөгжүүлэхийг зөвлөе.

Морь жил хулганад

Хулганы төрөлхийн болгоомжтой зан нь бусад жилийнхний адил бодлогогүй алхам хийхээс хамгаална. Хайрын тал дээр танд тохиох учрал цөөн байх ч тэдгээр нь хууль ёсны гэрлэлт болох өндөр магадлалтай. Хэрвээ тохирох хүн тааралдахгүй бол саарал материалист хулгана хүчээ утгагүй харилцаанд үрэхээс илүү ганцаараа байхыг сонгоно.

Түүнийг худал магтаалаар хуурах боломжгүй, учир нь хулганы төрөлхийн зөн совин хуурамчийг андахгүй танина. Аюул мэдрэгдвэл тэр даруй ухарч, идэвхтэй оролцогчоос хөндлөнгийн ажиглагч болж хувирна. Хорлогдсон өгөөш рүү ч дайрахгүй, харин бусдад түүгээр “хордож” үзэх боломж олгоно. Тиймээс та сэтгэл зүрхийг тань “урах” романс, хүнд харилцаанаас зайлсхийж чадна.

Сентименталь идеалууд Харханд угаасаа харь зүйл тул 2026 онд санхүүгийн хувьд баталгаатай хүнтэй учирч, тэр хүн гар, зүрх, мөн зээлийн картаа санал болгож, бүх мөнгөний асуудлаас тань чөлөөлөх боломж ч бий.

Гэр бүлтэй хулганууд ойр дотныхонтойгоо нягт холбогдож,  баяр жаргал, зовлон гуниг бүгдэд тэнцүү хуваарилагдана. Та ганцаараа ачаа үүрэхгүй, бусад хүмүүс танд тусалж, хайрлаж, дулаацуулна. Та ч мөн адил хайртай хүмүүстээ анхаарал халамжаар хариулахыг хичээгээрэй.

Таны сайн сайхныг ганхуулах цорын ганц зүйл бол хардалт байж мэднэ. Хосынхоо алхам тутмыг хянах хэрэггүй, илүү их итгэл үзүүлэхийг зөвлөе. Морь жилд өгөөмөр байдал ба хэмнэлтийн хооронд ухаалаг тэнцвэр барьж, үрэлгэн ч биш, харамч ч биш байхыг хичээгээрэй. Олсон мөнгөө гэр бүлийнхээ “цайз”-д зарцуулахыг хичээ, учир нь гэр орноо хангаж чадаагүй хулгана өөрийгөө өрөвдөлтэй, азгүй мэт мэдэрдэг. Сар бүр тодорхой хэмжээний мөнгийг хувийн нөөц сандаа хадгалж хэвшвэл ирээдүйг илүү итгэлтэй харж эхэлнэ.

Ажил дээр хулгануудын дээр тэнгэрээс үнэгүй үр тариа асгарахгүй тул хөдөлмөрлөхөд бэлэн бай. Та бүхэн энэ жил морины санал болгож буй эрсдэлтэй адал явдалд автахгүй, болгоомжтой, тооцоотой тактикаа баримтална. Эрсдэл гэдэг ойлголт хулганы бизнесийн толь бичигт бараг байдаггүй тул ашигтай гэдэгтээ бүрэн итгэсэн үедээ л хэлцэлд орно. Энэ чанар нь живж буй хөлгийг цагт нь орхиж, амьдралын бүх шуурганд тэсэж үлдэхэд тусалдаг. Бусад нь адал явдал, алдар нэр рүү давхиж байхад хулгана чимээгүйхэн ажиллаж, туршлага хуримтлуулж, нэр хүнд олно. Магадгүй шууд шагнал ирэхгүй ч ирээдүйд таны хичээл зүтгэлийг удирдлага болон эргэн тойрныхон заавал үнэлнэ.

Шинэ даалгавар авахаас, танил бус салбарын зүйлсийг сурахаас бүү ай, зурхайгаар бол яг шинэхэн эхэлж буй хүмүүст амжилт ирнэ. Хамгийн галзуу давхил дунд ч толгойгоо алдахгүй байж чадвал энэ жил тийм амжилттай өнгөрч, бүр морь өөрөө хүртэл атаархахаар байх болно.