2027 онд буюу ирэх жил Монгол Улсын Ерөнхийлөгчийн сонгуультай. УИХ-д суудалтай намууд Ерөнхийлөгчид нэр дэвшүүлэх эрхтэй.
Тэгвэл Иргэний Зориг, Ногоон Намын дарга, УИХ-ын гишүүн, Байгаль Орчин, Уур Амьсгалын Өөрчлөлтийн яамны сайд Батын Батбаатараас энэ талаар www.ubn.mn сайтын сэтгүүлч байр суурийг нь лавлахад ийм хариулт өгчээ.
- Ерөнхийлөгчийн сонгуульд та өөрөө нэр дэвших үү?
- Би өмнө нь намын даргаар ажиллаж байсан С.Оюунд хоёр удаа “Та Монгол Улсын Ерөнхийлөгчид ИЗНН-аас өрсөлдөөч ээ” гэдэг санал тавьсан. Эцсийн хариугаа хараахан авч чадаагүй байна.
- Та өөрөө нэр дэвшихгүй юм уу?
- Би эхлээд С.Оюун даргаас саналынхаа хариуг эцэслэж авах хэрэгтэй шүү дээ... хэмээн хариулсан байна.
С.Оюун одоо 63 настай. Ардчилсан Холбооны Ерөнхий зохицуулагч, Ардчилсан хувьсгалын гол удирдагч агсан Санжаасүрэнгийн Зоригийн төрсөн дүү гэдгийг монголчууд юу эс андахав.
1981 онд 23 дугаар сургуулийг төгссөн.
1987 онд Чехословак улсын Карлын их сургуулийг геохимичээр мэргэжлээр суралцаж, төгссөн.
1996 онд Их Британийн Кэмбрижийн их сургуулийн аспирантурт төгссөн. Байгалийн ухааны доктор.
2000 онд УИХ-ын гишүүнээр сонгогдсон.
Мөн тэр жилээ Иргэний Зориг намыг үүсгэн байгуулсан хүмүүсийн нэг.
УИХ-ын дэд дарга, УИХ дахь “Эх орон-Ардчилал” эвслийн бүлгийн дарга,
Монгол Улсын Гадаад хэргийн сайд, Байгаль орчин, Ногоон хөгжлийн сайдаар тус тус ажиллаж байсан.
Эх сурвалж: SSS19 пэйж хуудас
Сэтгэгдэл (0)
Сэтгэгдэл бичигдээгүй байна