Netflix "Physical Asia" алдарт цувралынхаа араас "Physical: Welcome To Mongolia" хэмээх шинэ реалити шоу гаргахаа албан ёсоор зарлалаа. Шинэ цувралын тизерийг өнөөдөр /2025.12.03/ Netflix болон TEO-ийн албан ёсны олон нийтийн мэдээллийн сувгуудаар нийтэлжээ. Энэхүү шоугаар БНСУ-ын багийн ахлагч Ким Дун Хён, Монголын багийн ахлагч Б.Орхонбаяр нар Монголын уудам нутагт эргэн уулзана гэсэн амлалтаа биелүүлэх юм.
“Physical: Welcome To Mongolia” нь бие бялдрын тэмцээний өрсөлдөгчдийн нөхөрлөл, адал явдлыг харуулах бөгөөд финалд өрсөлдсөн БНСУ, Монголын багийн гол гишүүд оролцрж байна. БНСУ-ын багийн ахлагч Ким Дунхён, оролцогч Амотти нар манай улсыг зорих бөгөөд Монголын багийн ахлагч, Улсын арслан Б.Орхонбаяр, циркчин Э.Лхагва-Очир нартай уулзах юм. Цувралд мөн тусгай зочин оролцоно гэж Netflix онцолжээ. /Манай улсад ирсэн байгаа Австралийн багийн ахлагч Эдди юм болов уу??!!/ Энэхүү шинэ нэвтрүүлгээр хүнд хэцүү тэмцээний сорилтын явцад үүссэн холбоо, өрсөлдөөний эрч хүчийг хамтын аялал болгон хувиргасан нөхөрлөлийг онцлох аж.
Physical Asia-гийн үеэр Монголын багийн ахлагч Б.Орхонбаяр, БНСУ-ын багийн ахлагч Ким Дунхён нарын хооронд үүссэн Монголд очих тухай ярианы “мартагдашгүй” хэсгээс энэ шоу шууд үүдэлтэй гэнэ. Энэхүү шинэ цуврал нь тамирчдыг ширүүн өрсөлдөөний талбараас гаргаж, аялалд суурилсан реалити шоуны хэлбэртэй юм. Тэдний гайхалтай бие бялдрын чадварыг шинэ нөхцөл байдалд харуулахаас гадна ширүүн өрсөлдөөний үеэр цэцэглэсэн сайхан нөхөрлөлийг үзүүлэх зорилготой аж.
Нэвтрүүлгийн сэтгэл хөдөлгөм өнгө аясыг харуулсан тизерийн клипэнд Ким Дун Хён, Амотти нар Э.Лхагва- Очиртой видеогоор холбогдож, Монголд хийх гэж байгаа аяллынхаа талаар догдлон ярилцаж буйг харуулжээ. Энэхүү тизер нь өмнөх цэвэр өрсөлдөөнийг орхиж, сэтгэл хөдөлгөм байгаль, соёлын солилцоо, бие бялдрын нөхөрсөг сорилтыг шинэ цуврал хослуулахыг илтгэж байгаа юм.
“Physical: Welcome To Mongolia” дөрвөн ангит цуврал болох бөгөөд эхний хоёр анги нь 2025 оны 12-р сарын 24-нд, сүүлийн хоёр нь 2025 оны 12-р сарын 31-нд гарах бөгөөд шинэ жилийн өдөр гарна. Биеийн тамирын тэмцээн, сэтгэл хөдөлгөм реалити шоуг шүтэн бишрэгчид Монголд хийх энэ өвөрмөц аяллын тухай цувралыг тэсэн ядан хүлээж байгаа гэнэ.
Сэтгэгдэл (0)
Сэтгэгдэл бичигдээгүй байна