Мелатонин нь зүрхэнд сөргөөр нөлөөлдөг байж болзошгүй гэх судалгааны дүн гарсан боловч мэргэжилтнүүд одоохондоо нойргүйдлийн эсрэг хамгийн түгээмэл бэлдмэлийг хэрэглэхийг хориглоогүй байна.
Мелатониныг удаан хугацаагаар хэрэглэх нь зүрхний дутагдалд орж, эмнэлэгт хэвтэх эсвэл зүрхний дутагдлын улмаас нас барах эрсдэл хүргэж байна гэж Америкийн Зүрхний Ассоциацийн хэвлэлийн мэдээнд дурджээ. Арван нэгдүгээр сарын 7-нд эхлэх Америкийн Зүрхний Нийгэмлэгийн шинжлэх ухааны хуралдаанд танилцуулах урьдчилсан судалгааны үр дүнгээс иш татсан нь энэ юм.
"Мелатонин бэлдмэл нь таамаглаж байгаа шиг хор хөнөөлгүй байж магадгүй. Хэрэв бидний судалгаа батлагдвал эмч нар өвчтөнүүдэд нойргүйдэх тохиолдолд өгөх зөвлөгөөнд нөлөөлж магадгүй” гэж Бруклин дахь SUNY Downstate/Kings County анхан шатны тусламж үйлчилгээний төвийн дотоод анагаах ухааны ахлах резидент, анагаах ухааны доктор Экенедиличукву Ннади таван жилийн хугацаанд хийсэн судалгааны тайланд дурджээ.
Мелатониныг багадаа жил буюу 12 сар хэрэглэсэн нойргүйдэлтэй 130000 гаруй насанд хүрэгчдэд судалгаа хийсэн._ Тэд мелатонин хэрэглэдэггүй хүмүүстэй харьцуулахад таван жилийн хугацаанд зүрхний дутагдалд орох магадлал 90 хувиар илүү байсан нь тогтоогджээ.
АНУ-ын Нойрны анагаах ухааны академийн хэвлэлийн төлөөлөгч, клиникийн анагаах ухааны дэд профессор Мухаммед Риши Вашингтон Пост сонинд хэлэхдээ "Судалгаа нь ажиглалтын аргаар хийсэн, эрүүл мэндийн цахим бүртгэлд үндэслэсэн. Энэ нь учир шалтгааны холбоо тогтоох чадварыг хязгаарладаг." гэж мэдэгдсэн байна.
Судалгаанд мелатониныг эмчийн бичиж өгсний дагуу хэрэглэсэн хүмүүсийг хамруулсан. Гэтэл АНУ-д энэ эмийг жоргүйгээр авах боломжтой бөгөөд ийм тохиолдолд мелатонин уудаггүй гэж ангилсан байна гэж тэр хэлжээ.
Мелатонин нь нойрны мөчлөгийг зохицуулахад тусалдаг байгалийн даавар бөгөөд хүүхдүүдэд ч хэрэглэдэг.
Йелийн Анагаах Ухааны Сургуулийн зүрх судасны анагаах ухааны дэд профессор Жойс Оен-Хсиао "Вашингтон Пост" сонинд муу унтах нь зүрхний эрүүл мэндэд сөргөөр нөлөөлж, нойргүйдэл нь зүрхний дутагдлын шалтгаан болдог гэж хэлжээ.
Судлаач Ннади "Эмийн аюулгүй байдлын талаар санаа зовж байгаа ч бидний судалгаа шууд шалтгаан-үр дагаврын холбоог баталж чадахгүй" гээд “Энэ нь мелатонин зүрхэнд сөргөөр нөлөөлдөг эсэхийг шалгахын илүү их судалгаа хийх шаардлагатай гэсэн үг юм." гэсэн байна. “
Сэтгэгдэл (0)
Сэтгэгдэл бичигдээгүй байна