УИХ дахь МАН, АН-ын бүлгүүдийн аль аль нь өнөөдрийн/ 2025.11.03/ хуралдаанаараа эрүүл мэндийн салбарын санхүүжилт болон багш нарын цалинтай холбоотой асуудлыг хэлэлцэж байна.
Тухайлбал, МАН-ын бүлэг Монгол Улсын 2026 оны төсвийн тухай хуулийг хэлэлцүүлэгт бэлтгэж байгаа ажлын хэсгийн мэдээлэлтэй танилцаж байгаа юм.
Боловсрол, эрүүл мэндийн салбарын ажилчин, алба хаагчид цалин нэмэхийг шаардаж байгаа. Монголын багш нарын Үйлдвэрчний эвлэл, БШУЯ, Гэр бүл, Хүний хөгжил, нийгмийн хамгааллын яамтай хэлэлцээрийн ширээний ард суусан. Нийт найман зүйл бүхий цалин урамшуулал нэмэх шаардлага хүргүүлсэн. Дээрх хэлэлцээрийг үр дүнд хүргэх, цалингийн шатлалыг өсгөх асуудлыг Төсвийн тухай хуулийн ажлын хэсэг амралтын өдрүүдэд ажиллаж, төсвийн санхүүжилтийг шийдэх хоёр хувилбарыг бүлгийн хуралдаанд танилцуулж, улс төрийн шийдэл гаргах санал оруулан хэлэлцэж байна. Мөн тэтгэвэр, халамжийн тэтгэмжийг нэмэгдүүлэх төсвийн санхүүжилтийг хэрхэн урсгал зардлыг танаж ирэх оны төсөвт суулгах асуудлыг ярилцаж байгаа юм.
Харин Ардчилсан намын Эрүүл мэндийн салбарын үйлчилгээний хүртээмж, чанар, эрүүл мэндийн даатгалын сангийн санхүүжилт, иргэдийн үүрч байгаа санхүүгийн ачаалалтай холбоотой асуудлаар Эрүүл мэндийн сайдын мэдээлэл, Багш нарын цалин нэмэгдүүлэх шаардлага болон ажил хаялттай холбоотой асуудлуудаар Монголын Боловсрол, шинжлэх ухааны үйлдвэрчний эвлэлийн холбооны бэлтгэсэн мэдээллийг тус тус сонсоно.
Сэтгэгдэл (0)
Сэтгэгдэл бичигдээгүй байна