Нийслэлд их хэмжээний цас орж, шуурч байгаагаас цахилгаан дамжуулах агаарын шугамуудад гэмтэл гарчээ. Улмаар Баянзүрх дүүргийн Цайз, Алтан-Өлгий, Газарчин, Сүхбаатар, Чингэлтэй дүүргийн зуслан чиглэлийн Ар согоот, Гоодой, Согоот, Сурагчийн гудамжууд, Сонгинохайрхан дүүргийн Ханын материал, Тоосгоны гудамжууд, Их, Бага Наран орчмоор цахилгаан тасраад байна гэж УБЦТС ТӨХК-аас мэдээлжээ.
Гэмтлийг засварлахаар шуурхай үйлчилгээний бригадууд ажиллаж байгаа аж.
Нөхцөл байдалтай холбоотойгоор иргэд тус компанийн утас руу тасралтгүй хандаж байгаа бөгөөд өглөө 8 цагаас хойш 1119 хэрэглэгч хандсаны 790-д дуудлагад хариу өгч, нийт дуудлагын 30 орчим хувьд ачааллын улмаас хариу өгч чадаагүй байна. Иймд цахилгааны төлбөр, дансны дугаар зэрэг мэдээллийг тус компанийн чатбот, my.tog.mn вэб, цахилгаан хэрэглэгч апп-ээр авах боломжийг ашиглахыг зөвлөжээ.
Сэтгэгдэл (0)
Сэтгэгдэл бичигдээгүй байна