Улсын хэмжээнд 5 сая 222950 толгой мал хорогдсон гэж УОК-оос мэдээллээ.
Сүхбаатар аймагт 1.4 сая, Хэнтийд 720 мянга, Дорноговь, Архангай, Төв, Дундговь аймгуудад малын хорогдол хамгийн өндөр байна.2700 орчим өрх нийт малынхаа 70 болон түүнээс дээш хувийг зуданд алдсан, 380 өрх 100 хувь малгүй болсон гэх тоон мэдээлэл байгаа аж.
Гуравдугаар сарын 20-нд хийсэн үнэлгээгээр зургаан аймгийн 20 суманд цагаан зудтай байгаа бөгөөд эдгээр сумдад 12.5 мянган малчин өрх 2.5 сая толгой малтай хаваржиж байна.
УОК-ын Шуурхай штабаас 21 аймгийн Онцгой комисстой цахим хурал хийж, мал амьтны сэг зэм устгах ажиллагааны нэгдсэн төлөвлөлтийг танилцуулж, Мал эмнэлгийн ерөнхий газар, Хөдөлмөр нийгмийн хамгааллын яам зэрэг байгууллагын төлөөлөл сэг зэм устгахтай холбоотой халдвар хамгааллын дэглэмийг мөрдөн ажиллах талаар мэдээлэл өгчээ. Мөн зүй бусаар хорогдсон мал амьтны сэг зэмийг устгах ажиллагаатай холбогдуулан орон нутгийн түвшинд гарч байгаа зөрчил дутагдал, тулгамдаж байгаа асуудлаар холбогдох чиглэл өгсөн байна.
Сэтгэгдэл (0)
Сэтгэгдэл бичигдээгүй байна