"МОНГОЛ ГЭР БҮЛ" ШИЛДЭГ ГЭРЭЛ ЗУРГИЙГ ШАЛГАРУУЛЖ, ҮЗЭСГЭЛЭН НЭЭВ

Монгол гэр бүлийн уламжлалт харилцаа, ёс дэг, зан үйл, өнгө төрх, ахуй соёлыг танин мэдүүлэх, хөгжлийг дэмжих түүнийг гэрэл зургаар дамжуулан сурталчлах, бүтээл болгон үлдээх зорилгоор “Монгол гэр бүл” шилдэг гэрэл зургийг шалгаруулж, үзэсгэлэн нээжээ.

Уралдааны сонирхогчийн төрөлд:

• Тэргүүн байр- Ц.Батбаярын "Зочилсон нь", 
• Дэд байр -Ж.Найрамдалмаагийн "Аав ээжийн 9 эрдэнэ", 
• Гутгаар байр- Б.Будхүүгийн “Хилчний гэргий” зургууд тус тус шалгарсан байна. 

  

Мэргэжлийн төрөлд: 

• Тэргүүн байр- П.Баттулгын “Амин үр”, 
• Дэд байр - Э.Мөнхчулууны “Хөдөлмөрийн үр шим”, 
• Гутгаар байр -Д.Занданбатын “Цэцэрлэг тарлаа” 
• Тусгай шагнал -Б.Бямба-Очирын “Аавын ялалт” зургууд тус тус шалгарчээ.

  

Уралдаанд 50 гаруй гэрэл зурагчны 200 бүтээл ирсэнээс шилдэг 30 бүтээлээр гаргасан уг үзэсгэлэн Монголын Театрын музей дөрөвдүгээр сарын 7-13-ны өдрүүдэд үргэлжилнэ.

Энэхүү уралдааныг Монгол улсад хүүхдийн байгууллага үүсэж, хөгжсөний 100 жилийн ойн хүрээнд Гэр бүл, хөдөлмөр, нийгмийн хамгааллын яам, Монголын Гэрэл зурагчдын нэгдсэн холбоо, эмэгтэй гэрэл зурагчдын “Бүсгүй мэлмий” клубтэй хамтран зохион байгуулсан бөгөөд цаашид уг уралдааныг уламжлал зохион байгуулахаар болжээ.