СЭМҮТ-ийн хүүхдийн сэтгэцийн эмч нар аутизмын хүрээний эмгэгийн оношилгооны олон улсын стандарт аргачлал болох “ADOS-2” оношилгоо, үнэлгээний аргачлалын дагуу оношилгоо хийж эхэллээ.
”Монгол Улсад эмчлэгддэггүй өвчлөлийг бууруулах бодлого”-ын хүрээнд тэдгээр эмч нар Турк улсад Аутизмын оношилгоо, үнэлгээний “ADOS-2” аргачлалын онол болон дадлага сургалтад хамрагдсан юм.
Аутизмын оношилгоо, үнэлгээний “ADOS-2” аргачлал нь асуултад хариулж, даалгавруудыг гүйцэтгэх явцад аутизмын хүрээний эмгэгийн үед илрэх эмнэл зүйн өвөрмөц шинж тэмдгүүд, зан үйлийн өөрчлөлтийг ажиглах замаар оношлох боломжийг олгодог байна.
2025 оны ЭМДҮЗ-ийн 4 дүгээр тогтоолоор Аутимзын оношилгоог Эрүүл мэндийн даатгалын сангаас санхүүжүүлэхээр зохицуулсан. Ингэснээр аутизмын оношилгоог мэргэжлийн байгууллага даатгалын санхүүжилтээр хийх боломжтой болж байна.
2014 оны аравдугаар сард СЭМҮТ-ийн шинэ цогцолбор ашиглалтад орсноор Хүүхэд өсвөр үеийн клиник /ХӨҮК/ нь эмчлүүлэгчдэд ээлтэй, ая тухтай орчныг бүрдүүлж, 20 ортойгоор, 3-18 хүртэлх насны хүүхдүүдэд тусламж үйлчилгээ үзүүлж эхэлсэн юм.
Сэтгэгдэл (0)
Сэтгэгдэл бичигдээгүй байна