“Улаанбаатар” өвлийн наадам “Скайрезорт” цанын баазад хоёрдугаар сарын 15-16-нд болно. Нийслэлийн Аялал жуулчлалын газар, “Скай Резорт” ХХК-тай хамтран зохион байгуулж буй энэхүү наадмаараа гадныханд монгол орны өвлийн улирлын онцлог болон ёс заншил, өв уламжлал, дахин давтагдашгүй өвөрмөц соёлоо сурталчлахын зэрэгцээ залуу үедээ өвлүүлэн үлдээх, шинэ тутам хөгжиж буй өвлийн улирлын экстрем спорт, аяллын төрлүүдийг нийслэлийнхэндээ таниулах юм. Мөн амралтын өдрүүдийг гэр бүлээрээ эрүүл агаарт ая тухтай өнгөрүүлэх боломжийг олгож байгаагаараа тус наадам онцлогтой юм. “Улаанбаатар” өвлийн наадмын үеэр төрөл бүрийн үйлчилгээнээс гадна мөсөн сурын харваа, мөсний шагай, снөүбоард зэрэг тэмцээн уралдаан зохион байгуулахаар төлөвлөжээ.
Сэтгэгдэл (0)
Сэтгэгдэл бичигдээгүй байна