ЗГХЭГ-ын дарга Д.Амарбаясгалан Засгийн газрын хуралдааны шийдвэрийг танилцууллаа. Цас зудтай байгаа орон нутгуудад авто машины хангамж дутагдаж байгаатай холбоотой Улсын нөөцөөс 15 тэрбум төгрөг гаргаж, 105 автомашин худалдан авахаар шийдвэрлэлээ. Монголын зах зээлд худалдаалагдаж байгаа автомашиныг шууд худалдан авч, сумдыг богино хугацаанд автомашинаар хангах шийдвэр гаргалаа.
Туулах чадвар сайтай, орон нутагт төрийн үйлчилгээнд явах боломж бүхий гурван төрлийн автомашиныг худалдан авч, сумдыг шуурхай автомашинаар хангахаар шийдвэрлэлээ. Төрийн худалдан авах ажиллагааны газар УОК-оос үүрэг болгосны дагуу Форд рэнжир /Ford Ranger/ загварын 30 орчим пикап машин худалдан авахаар боллоо. Мөн Японы Сүзүки Жимни гэж таван хаалгатай япон 69 гэгддэг машиныг худалдан авна. Үлдсэн 30 орчим нь Оросын УАЗ Пургон машиныг худалдан авч, хөдөөгийн сумдыг автомашинаар хангах шийдвэр өнөөдөр гаргалаа. Засгийн газар зудын хүндрэлийг малчидтайгаа хамтдаа давах зорилго тавин ажиллаж байна. Монголын ард түмний уламжлалт мал ахуйгаа хамгаалж гарахын төлөө Засгийн газар эдгээр арга хэмжээг авч байгаа юм гэв.
Сэтгэгдэл (0)
Сэтгэгдэл бичигдээгүй байна