Монгол Улсын өрхийн тоо өсөж байгаа хэдий ч нэг өрх доторх ам бүлийн тоо багасаж байгаа нь нийгэм, эдийн засаг, хүн ам зүйн хүчин зүйлсээс шалтгаалж байна. Хүн ам, орон сууцны 2025 оны завсрын тооллогоор өрхийн ам бүлийн дундаж тоо 3.4 болж өмнөх тооллогоос 0.2 нэгжээр буурсан байна гэж Үндэсний статистикийн хорооноос мэдээллээ.
Улсын хэмжээний өрхийн ам бүлийн дундаж тоо болох 3-4 ам бүлтэй өрхийн эзлэх хувь хотод 73.8 хувь, хөдөөд 26.2 хувьтай байна. Өмнөх тооллогын үед өрхийн ам бүлийн дундаж хэмжээ болох 3-4 ам бүлтэй өрхийн эзлэх хувь өндөр байсан бол завсрын тооллогоор дундаж хэмжээ болох 1-2 ам бүлтэй өрхийн эзлэх хувь өндөр болжээ.
Анхны гэрлэлтийн дундаж нас сүүлийн 25 жилийн хугацаанд тасралтгүй өссөн нь Монгол Улсад гэр бүл зохиох хугацаа хойшлох хандлага тогтвортой явагдаж байгааг харуулж байна.
2000 онд эрэгтэйчүүд дунджаар 25.7, эмэгтэйчүүд 23.7 настайдаа гэрлэж байсан бол 2025 онд энэ үзүүлэлт 29.5 болон 27.5 нас болж нэмэгдсэн байна. Өөрөөр хэлбэл, энэ хугацаанд эмэгтэйчүүд, эрэгтэйчүүдийн анхны гэрлэлтийн нас ойролцоогоор 3.8 жилээр хойшилжээ.
Мөн анхны гэрлэлтийн нийт дундаж нас 28.5 хүрсэн нь гэр бүл зохиох нас өмнөх үеэс ахисныг илтгэж байна.
Сэтгэгдэл (0)
Сэтгэгдэл бичигдээгүй байна