МОНГОЛ ЭРЧҮҮДИЙН ДУНДАЖ НАСЛАЛТ 67 БАЙНА

Үндэсний статистикийн хорооноос гаргасан мэдээллээр манай улсын нийт хүн амын 49 хувь нь эрэгтэйчүүд байна. Эрчүүдийн дундаж наслалт 67, хамгийн ахмад нь 105 настай байгаа юм. 

Насны бүлгээр авч үзвэл эрчүүдийн  

• 18-29 насныхны 14.1 хувь 
• 30-39 насныхны 41 хувь 
• 40-49 насныхны 62.1 хувь 
• 50-59 насныхны 81.1
• 60-аас дээш насныхны 88 хувь нь цэргийн алба хаажээ.  

Хөдөлмөрийн насны нийт эрэгтэйчүүдийн 67.4 хувь нь ажил, хөдөлмөр эрхэлж байна. Түүнчлэн ААНБ-ын удирдах албан тушаалд ажиллаж буй нийт ажиллагчдын 57.7 хувь нь эрэгтэйчүүд байгаа аж.

Хамгийн түгээмэл нэр нь Бат-Эрдэнэ, Тэмүүлэн, Төгөлдөр, Билгүүн байна. 

Сонирхолтой нэрийн статистикаас харвал Эрзориг нэртэй 42 хүн, Эрэмгий 15, Цэрэг 14, Эрэлхэг, Дайчин,  Хурандаа тус бүр 12, Байлдагч 9, Генерал 7, Эрхүн, Шинэцэрэг тус бүр 3, Цэргийнбаяр 2, Эр, Ахмад, Хошууч нэртэй тус бүр 1 хүн байна.