Өвөрхангай аймаг орон нутгийн хөгжлийн сангийн хөрөнгө оруулалтаасаа 4 тэрбум төгрөгийн өртөг бүхий ажилд зарцуулахаар төлөвлөжээ. Тухайлбал сумдад нэн дутагдалтай мэргэжлийн багш, эмч нарыг бодлогоор дэмжиж, нөхөх ажилд 300 сая төгрөгийг Уянга, Богд, Баруунбаян-Улаан, Өлзийт суманд төрийн албан хаагчдад зориулсан орон сууц барихаар 700 сая төгрөгийг тус тус төсөвлөсөн байна. Мөн “Баянтээг түлш” ХХК шахмал түлш үйлдвэрлэх үйл ажиллагаанд жил бүр олгодог 400 сая төгрөгийг энд багтаагаад байна. Түүнчлэн бүсийн оношлогоо эмчилгээний төвийн төрөх эмэгтэйчүүдийн эмнэлгийн гадна фасадын засвар хийх, төсвийн хөрөнгө оруулалтаар 2026 онд барих барилга байгууламжийн зураг төсөлд зарцуулах, Арвайхээр сумын нийтийн орон сууцны гадна фасад, дээврийн зардал болон “Тэрбум мод” үндэсний хөдөлгөөний хүрээнд ногоон байгууламжийг нэмэгдүүлэх зорилгоор 5-аас дээш настай таримал суулгацыг худалдаж авахад гээд нийт 10 ажилд орон нутгийн хөгжлийн сангийн хөрөнгийг хуваарилсан байна. .
Сэтгэгдэл (0)
Сэтгэгдэл бичигдээгүй байна