ХИМИ ЭМЧИЛГЭЭНИЙ ЭМ ТАСАРСАН БОЛОН MRI CT АППАРАТЫН АЧААЛЛЫН АСУУДЛЫГ ШИЙДЖЭЭ

Эрүүл мэндийн сайд болон ЭМЯ-ны баг “Хавдар судлалын үндэсний төв”-д 2025 оны нэгдүгээр сарын 27-29-ний өдрүүдэд ажиллаж, тус төвөөр үйлчлүүлж буй иргэдтэй уулзан, эмнэлгийн тусламж үйлчилгээнд үүсэж буй хүндрэл, ачаалал, асуудлуудыг судалж, заримыг нь шийдвэрлэжээ. 

Тухайлбал,

• Орон нутгийн иргэд 21 хоногт 2 удаа ирж үзүүлдэг MRI CT аппаратын ачаалал их байгааг
• Хими эмчилгээний эмийн тасарсан асуудлыг
• Ажилчдын илүү цагийн цалин урамшууллыг
• Эрүүл мэндийн даатгалтай холбоотой ойлголтын зөрүү зэрэг асуудлуудыг тус тус шийдвэрлэсэн байна. 

Улсын хэмжээнд төвлөрсөн тусламж үйлчилгээний гол ачааллыг үүрдэг “Хавдар судлалын үндэсний төв”-өөр 7 хоногт 3800-4000 иргэн үйлчлүүлж хавдрын тусламж үйлчилгээ авч байна. 

Эрүүл мэндийн сайд ажил хүлээж авснаасаа хойш Хавдар судлалын үндэсний төвд дөрөв дэх удаагаа ажиллаж буй нь бусад эмнэлэгтэй харьцуулахад хамгийн олон нь болж байгаа аж.