Хөвсгөл аймгийн Хатгал тосгон Хүй толгойн урд Хайчийн ам хэмээх газар жил бүр уламжлал болгон зохиогддог "Хөх сувд" мөсний баяр 2025 оны 02 дугаар сарын 13-23-ны өдрүүдэд болно.
Тус аймагт өвлийн аялал жуулчлалыг хөгжүүлэх зорилготой мөсний баярын үеэр олон ястны урлагийн тоглолт, тэшүүр, мөсөн шагайны тэмцээн, олс таталт, тахтай морин чарганы уралдаан, сумо бөх зэрэг тэмцээнээс гадна “Хөх цом” яруу найргийн наадам болдог.
Гурав дахь жилдээ зохион байгуулагдах яруу найргийн наадмын шүлгийг энэ жил чөлөөт сэдвээр шалгаруулах бөгөөд энэ сарын 30 хүртэл khuvsgul@gmail.com хаягаар хүлээн авах аж. Емайлаар ирсэн шүлгүүдээс эхний шатны шалгаруулалтыг хийж, хоёрдугаар шатанд мөсний баярын тайзнаа шүлгээ унших 10 яруу найрагчийг 02 дугаар сарын 5-нд зарлах юм.
Тус наадмыг Хөвсгөл аймгийн Соёл, урлаг, аялал жуулчлал, залуучуудын газар, Нийтийн номын сан хамтран зохион байгуулна.
Сэтгэгдэл (0)
Сэтгэгдэл бичигдээгүй байна