Нийгмийн даатгалын ерөнхий газрын дэргэдэх Эрүүл мэндийн магадлалын төв зөвлөлөөс “Эмнэлгийн хуудсыг цахимаар бичиж олгоход анхаарах асуудал” сэдэвт цахим хэлэлцүүлгийг зохион байгуулжээ.
Эмнэлгийн хуудасны бичилт, олголт тэр дундаа даатгуулагчид цахимаар үйлчлэхтэй холбоотой тулгамдаж буй асуудлууд, цаашид хэрэгжүүлэх арга хэмжээний талаар санал бодлоо хуваалцсан тус хэлэлцүүлэгт Нийгмийн даатгалын ерөнхий газрын Бодлогын хэрэгжилт, судалгааны газар, Мэдээллийн технологийн төв, эрүүл мэндийн байгууллагын цахим систем хөгжүүлэгч байгууллагын төлөөлөл, аймаг, дүүргийн Нийгмийн даатгалын газрын магадлагч эмч нар болон эмнэлгийн хуудсыг бичиж олгох эрх бүхий эрүүл мэндийн байгууллагын 1000 гаруй эмч, мэргэжилтнүүд оролцжээ.
Тус хэлэлцүүлэг нь Эрүүл мэндийн магадлалын төв зөвлөлөөс “Эмнэлгийн хуудсыг цахимаар бичиж олгоход анхаарах асуудал” сэдвээр мэдээлэл өгч, эмнэлгийн хуудсыг цахимаар бичиж олгох, түүнд тавих хяналт-шинжилгээний системийг сайжруулах чиглэлээр хэлэлцэж, шийдвэрлэх арга замыг тодорхойлсноороо ач холбогдолтой юм.
Сэтгэгдэл (0)
Сэтгэгдэл бичигдээгүй байна