Ахмад настны тухай хуульд оруулсан нэмэлт өөрчлөлт энэ сарын нэгнээс хэрэгжиж эхэлсэнтэй холбогдуулан зохион байгуулагдаж буй Ахмадын үндэсний чуулган өнөөдөр (2024.01.08) Төрийн ордонд эхэллээ.
-
Ахмад настны тухай хуулийн нэмэлт, өөрчлөлт;
-Ахмад настны талаар хэрэгжүүлж байгаа бодлого, арга хэмжээ, зорилт;
-Ахмадын эрүүл мэндийн талаар авч хэрэгжүүлэх төрийн бодлого;
-Хуулийн хэрэгжилтийг хангахад ахмадын байгууллагуудын оролцоо, хамтын ажиллагааны талаар хэлэлцэж хэтийн төлөвөө тодорхойллоо.
Улсын Их Хурлын дарга Д.Амарбаясгалангийн ивээл дор Улсын Их Хурал, Гэр бүл, хөдөлмөр, нийгмийн хамгааллын яам, монголын ахмадын холбоо хамтран зохион байгуулж буй тус үндэсний чуулганд 900 орчим ахмад настан оролцож байна. Улсын төсвөөс жил бүр 5.4 их наядыг тэтгэвэрт зарцуулдаг ба тэтгэврийг инфляцтай уялдуулан жил бүр нэмэгдүүлдэг. Түүнчлэн тэтгэврийн даатгалын шинэчлэлт хийгдсэн. Манай улсын ахмад настны 60 гаруй хувь нь тэтгэврийн зээлтэй байдаг ба ихэнх нь хүүхдүүддээ зарцуулахаар авдаг гэдгийг судалгаагаар тогтоожээ
2025.01.01-нээс эхлэн Ахмад настны тухай хуульд нэмэлт, өөрчлөлт оруулах тухай хуулийг хэрэгжүүлж, ахмад настны эрүүл мэнд, сэргээн засах үйлчилгээ, идэвхтэй насжилтыг дэмжих, хөгжлийн үйлчилгээг сайжруулах, ахмад настны мэргэжил, туршлага, ур чадварт түшиглэж залуу үеийг сургах, нийгмийн амьдралд идэвхтэй оролцох боломж нэмэгдэж байна.
Одоогийн байдлаар дундаж тэтгэвэр 848 мянган төгрөг болсон байгаа. Шинэ хуулиар 60 орчим сувилалд хөнгөлөлттэй үнээр үйлчлүүлэх боломжтой, ахмад настан өөрөө нийгмийн даатгалын шимтгэл төлөх шаардлагагүй гэвэл тухайн ахмад настныг ажиллуулж буй байгууллага тэтгэврийн даатгалын шимтгэл 8.5 хувийг төлөхгүй байж болох зэрэг өөрчлөлтүүд орж байгаа юм.
Сэтгэгдэл (0)
Сэтгэгдэл бичигдээгүй байна