Хөлдөөсөн загасны үйлдвэрт ажилладаг нэгэн ажилчин нэгэн өдөр ажлаа хийж байтал санамсаргүй хөргөгчний хаалга гаднаасаа хаагджээ. Тэрээр тусламж гуйн хашгирсан ч яг тэр үед ажлын цаг дууссан учир үйлдвэрт хэн ч үлдээгүй байв. Үүнийг ухаарсан тэрээр хөлдөж үхэх гэж байгаагаа ойлгов.
Азаар хэсэг хугацааны дараа үйлдвэрийн хамгаалагч хөргөгчний хаалгыг онгойлгож, аймшигт үхлээс аварчээ.
Үйлдвэрийн дарга хамгаалагчаас :
"Та түүнийг дотор үлдснийг яаж мэдсэн бэ?" Хамгаалагч:
“Надтай түүнээс өөр ямар ч ажилтан мэндэлдэггүй. Тэр үргэлж над руу инээмсэглэж, ямар байгааг минь асуудаг. Ажлын цаг дуусч бүх ажилчид гэр рүүгээ яван үйлдвэр хаах болсон чинь тэр харагдаагүй. Тэгээд би түүнийг үйлдвэрт үлдсэн байх гэж таамаглаад, байж болох бүх газраар хайж байж олсон." гэж хариуллаа.
Хүний зөв хандлага, сайхан сэтгэл бусдын зүрх сэтгэлд гүнзгий мөр үлдээдэг гэдгийн жишээ энэ буюу.
Орчуулсан: Bayarmaa Baldandugar
Сэтгэгдэл (1)