Алслагдсанд тооцогдсон цэргийн анги, салбарын алба хаагчид мөнгөн урамшуулал олгох журмыг Засгийн газрын ээлжит хуралдаанаар хэлэлцэн шийдвэрлэлээ. Уг журам батлагдсанаар алслагдсанд тооцогдсон цэргийн анги, салбаруудад үүрэг гүйцэтгэдэг алба хаагчдын эрх зүйн байдал сайжрах, албандаа тогтвор суурьшилтай ажиллах, шилжилт хөдөлгөөн буурах, тэдний ар гэрт томоохон дэмжлэг болох юм.
Мөнгөн урамшуулал авах эрх тав ба түүнээс дээш жилийн хугацаанд алба хааж байгаа офицер, ахлагч, цэргийн гэрээт албан хаагчид үүсэх юм.
Шаардлагыг хангасан алба хаагч нь нас барсан эсхүл эрүүл мэндийн шалтгаанаар өөрөө мөнгөн урамшуулал авах өргөдөл гаргах боломжгүй тохиолдолд түүний гэр бүлийн гишүүний хүсэлтээр мөнгөн урамшууллыг олгох аж. .
Түүнчлэн алслагдсанд тооцогдсон цэргийн анги, салбарын алба хаагч энхийг дэмжих ажиллагаанд үүрэг гүйцэтгэх хугацаанд өөрөө зөвшөөрсөн тохиолдолд мөнгөн урамшууллыг итгэмжлэгдсэн этгээдэд олгож болохоор зохицуулсан байна.
Харин алслагдсанд тооцогдсон цэргийн анги, салбарын алба хаагч цэргийн албанаас хуульд заасан үндэслэлээр халагдсан тохиолдолд уг мөнгөн урамшууллыг олгохгүй юм байна. .
Сэтгэгдэл (0)
Сэтгэгдэл бичигдээгүй байна