БНСУ-ын нийслэл Сөүл хотод өнгөрсөн бямба гарагт орсон цасны зузаан 12.2 см хүрсэн нь сүүлийн 40 гаруй жил гарч байгаагүй хамгийн өндөр үзүүлэлт болсон байна Учир нь Сөүл хотод хамгийн сүүлд 1981 оны арванхоёрдугаар сарын 19-ний өдөр 18.3 см зузаан цас орсон нь тус хотын түүхэнд тэмдэглэгдэх дээд үзүүлэлт болж байжээ. Сөүл хотын ихэнх хэсэг болон ойр орчмын бүс нутагт дараагийн 24 цагийн хугацаанд цасны зузаан дахин 5 см орчмоор нэмэгдэх төлөвтэй байгааг Солонгосын Цаг Уурын Байгууллага өчигдөр үдээс хойш анхааруулсан байна.
Тиймээс Нийслэл хотын захиргаа 4,689 хүн, 1,218 техник хэрэгслийг цас цэвэрлэх ажилд дайчилжээ.
Халтиргаа гулгаа нэмэгдсэний улмаас хот даяар замын хөдөлгөөний жижиг ослууд олноор гарч, төвийн зарим замуудын хөдөлгөөнийг хэсэгчлэн хаасан байна.
Шар тэнгисийн зүгээс ирж буй их хэмжээний үүлний улмаас Сөүл хот болон зүүн Ганвон мужийн эх газрын дотоод хэсэгт он солигдох үеэр цас үргэлжлэн орох таамгийг цаг уурын мэргэжилтнүүд гаргажээ.
Сэтгэгдэл (0)
Сэтгэгдэл бичигдээгүй байна