Дэлхийн 35 орны 180 тамирчин ой тогтоолт, цээж бодолт болон хурдан уншлагын 12 төрлөөр өрсөлдсөн Оюуны олимпод манай ой тогтоолтын баг 36 медалийн 35-ыг авч, бахдам амжилт үзүүлсэн бөгөөд цээж бодолт, хурдан уншлагад ч тамирчид маань өндөр амжилт үзүүллээ.
Тэмцээний гурав дахь өдөр манай тамирчид маш амжилттай байж, Гиннесийн рекорд тогтоож, олон медаль ч хүртэв.
Тэмцээний найм дахь төрөл болох цээж бодолтын "Mental Calendar Dates" буюу 60 секундын хугацаанд дэлгэцэн дээр гарч ирэх он, сар, өдөр долоо хоногийн ямар гараг болохыг аль болох олныг алдаагүй тооцоолох зорилготой “Хүн хуанли” төрөлд Э.Есүхэй 60 секундэд 83 өдрийг алдаагүй тооцоолж бодсоноор хүрэл медаль хүртжээ. Мөн Э.Мөнхбаатар 60 секундэд 53 өдөр тооцоолж бодсоноор шилдэг 5 тамирчны нэгээр шалгарсан байна.
Тэмцээний ес дэх төрөл болох цээж бодолтын "Flash Anzan" төрлийн 2-6 оронтой 10-30 тооны нийлбэрийг 1-0.2 секундын давтамжтай дэлгэцэнд гарч ирэхэд алдаагүй бодох даалгаврыг биелүүлэхэд манай тамирчин, Гиннесийн дээд амжилт эзэмшигч С.Чингим ширүүн өрсөлдөөн үзүүлж, 8-р байрт оржээ.
Оюуны олимпын ой тогтоолтын төрөл болох "Тоо дүрс тохируулах" төрөлд бага болон насанд хүрэгчдийн ангилалд алт, мөнгө, хүрэл иж бүрэн медалийн эзэд болцгоосон байна.
Тухайлбал, насанд хүрэгчдийн ангилалд:
Бага насны ангилалд:
Ой тогтоолтын хоёр удаагийн Дэлхийн аварга, Олон улсын их мастер Н.Мөнхшүр "Оюуны Олимп"-ын рекордыг шинэчилж, Гиннесийн номд дахин бичигдэхээр боллоо.
Оюуны олимпын хамгийн сүүлийн төрөл болох сонсголын ой тогтоолтыг шалгасан "Дуут цифр" төрөлд мөн бага болон насанд хүрэгчдийн ангилалд алт, мөнгө, хүрэл иж бүрэн медалийн эзэд болцгоожээ.
Тухайлбал, насанд хүрэгчдийн ангилалд:
Бага насны ангилалд:
Оюуны олимпын талаарх өмнө нийтлэгдсэн мэдээнүүдийг дорх холбоос дээр дарж уншина уу.
Э.ҮҮРИЙНЦОЛМОН ГИННEСИЙН РEКОРД ТОГТООЛОО
Э.ҮҮРИЙНЦОЛМОН ОЮУНЫ ОЛИМПЫН НАСАНД ХҮРЭГЧДИЙН ХАМГИЙН ЗАЛУУ АВАРГА БОЛОВ
Сэтгэгдэл (2)