"Хүннү рок" урсгалаар дэлхий дахинаа танигдаж, амжилт бүтээл дүүрэн яваа THE HU хамтлаг “Босоо заяат Монгол” /Upright Destined Mongol/ амьд хөгжмийн тоглолтоороо 67 дахь удаагийн Грэммийн шагналд өрсөлдөх хүсэлтээ өгчээ.
Тус наадмын амьд хөгжмийн тоглолт ангилалд нийт 450 гаруй хамтлаг дуучид өрсөлдөх хүсэлтээ өгсөн байна.
Шагналд нэр дэвшигчдийг 11 дүгээр сарын 8-нд зарлана. Эхний шалгаруултыг давбал хоёрдугаар шатанд өрсөлдөх эрхтэй болно. Эцсийн шалгаруулалт 12 дугаар сарын 12-ноос нэгдүгээр сарын эх хүртэл үргэлжилнэ.
Ялагчийг 2025 оны 2 дугаар сарын 2-нд Лос-Анжелес хотноо болох 67 дахь удаагийн Грэммийн шагнал гардуулах ёслолын үеэр зарлах юм.
Сэтгэгдэл (0)
Сэтгэгдэл бичигдээгүй байна