Амьдралын ээдрээ киноны Мин Сү Ёны дүрээр бидний танил болсон 42 настай жүжигчин Сон Хё Ге Монгол дахь гарын авлагад мөнгө хандивлажээ.
Монголд ирсэн солонгос жуулчдад зориулсан 10 мянган ширхэг гарын авлага гаргах ажилд хандив өргөсөн юм байна. Улаанбаатар хотын Зайсан толгойд оточ И Тэ Жүний хөшөөг босгож, цэцэрлэгт хүрээлэн байгуулсан байдаг.
И Тэ Жүн 1914 онд Нийслэл хүрээнд ирж эмнэлэг байгуулан ажиллахдаа ард түмний дунд ихээхэн дэлгэрээд байсан өвчнийг анагааж “Тэнгэрийн хувилгаан” хэмээн өргөмжлүүлж, VIII Богд Жамзандамба хутагтын ойрын хүрээлэлд ажиллах болжээ.
VIII Богд Жавзандамба хутагт зарлиг гарган 1919 оны 7 дугаар сарын 21-нд И Тэ Жүн эмчийг Тэргүүн зэргийн “Эрдэнийн Очир” одон, түшмэлийн зэргээр шагнаж монголчуудын төлөө гаргасан сэтгэл зүтгэл, гавьяаг үнэлсэн түүхтэй.
Монгол Улс, БНСУ-ын Засгийн газраас түүний дурсгалыг хүндэтгэн 2001 онд “И Тэ Жүн эмчийн нэрэмжит цэцэрлэгт хүрээлэн”-г Монгол Улсын нийслэл Улаанбаатар хот дахь Зайсан толгойн аманд байгуулсан юм. Тэгвэл энэхүү цэцэрлэгт хүрээлэнд монгол, солонгос хэлээр хэвлэсэн гарын авлагаар үйлчилж байгаа юм байна.
“Монголд ирэх солонгос жуулчдын тоо жилээс жилд улам бүр өсөж байгаа тул гарын авлагатай болох хэрэгтэй гэж бид үзсэн юм. Яг энэ үед жүжигчин Сон Кё Ге хандив өргөж, тус боллоо” хэмээн Сонгшин эмэгтэйчүүдийн их сургуулийн профессор Со Кён Дүк мэдэгджээ.
Сэтгэгдэл (0)
Сэтгэгдэл бичигдээгүй байна