Орон сууцны үнийн индекс 2026 оны 7 дугаар сард 1.41 болж, өмнөх оны мөн үеэс 6.2 хувиар өсөж, өмнөх сараас 0.4 хувиар буурсан байна.
Өмнөх оны мөн үетэй харьцуулахад шинэ орон сууцны үнэ 5.1 хувиар, хуучин орон сууцны үнэ 6.8 хувиар тус тус өсжээ.
Өмнөх сартай харьцуулахад шинэ орон сууцны үнэ 0.3 хувиар өсөж, хуучин орон сууцны үнэ 0.8 хувиар буурсан байна.
2026 оны 7 дугаар сард шинэ орон сууцны 1 метр квадрат талбайн дундаж үнэ 4.73 сая төгрөг болж, Сүхбаатар дүүрэгт хамгийн өндөр буюу 5.66 сая төгрөгийн үнэтэй байгаа юм.
Шинэ орон сууцны дундаж үнэ өмнөх оны мөн үетэй харьцуулахад Сүхбаатар дүүрэгт 7.8 хувь (410.5 мянган төгрөг)-иар өсөж, Чингэлтэй дүүрэгт 11.0 хувь (509.1 мянган төгрөг)-аар буурсан байна.
2026 оны 7 дугаар сард хуучин орон сууцны 1 метр квадрат талбайн дундаж үнэ 4.78 сая төгрөг болж, Сүхбаатар дүүрэгт хамгийн өндөр буюу 5.88 сая төгрөгийн үнэтэй байна. Хуучин орон сууцны дундаж үнэ өмнөх оны мөн үетэй харьцуулахад Чингэлтэй дүүрэгт 8.5 хувь (440.5 мянган төгрөг)-аар өсжээ.
Орон сууцны 1м.кв талбайн дундаж үнийг байршлаар нь харвал, Сүхбаатар дүүрэгт Сүхбаатарын талбай, 220 мянгат орчим 7.9 сая төгрөг байгаа нь хамгийн өндөр, Сонгинохайрхан дүүрэгт 21-р хороолол орчим 3.18 сая төгрөг байгаа нь хамгийн хямд байна.
2026 оны 7 дугаар сард 1 өрөө орон сууцны 1 сарын түрээсийн дундаж үнэ 1.32 сая төгрөг, 2 өрөө орон сууцны түрээсийн дундаж үнэ 1.9 сая төгрөг, 3 өрөө орон сууцны түрээсийн дундаж үнэ 2.95 сая төгрөг байжээ.
Орон сууцны 1 сарын түрээсийн дундаж үнийг байршлаар нь харвал, 1-3 өрөө байр Сүхбаатар дүүрэгт 1.67-3.75 сая төгрөг байгаа нь хамгийн өндөр, Сонгинохайрхан дүүрэгт 1.0-1.68 сая төгрөг байгаа нь хамгийн хямд байв.
Сэтгэгдэл (0)
Сэтгэгдэл бичигдээгүй байна