ШАТАХУУНЫ ДАВТАН ХУДАЛДАН АВАЛТ 40 ХУВЬТАЙ БАЙНА

Наймдугаар сарын 1-6-ны хооронд ОХУ-аас 203 цистерн АИ-92, 367 цистерн дизель түлш, БНХАУ-аас 17 вагон онгоцны түлш, 35 вагон дизель түлш орж ирээд байна.

Өнөөдрийн /2026.08.07/ байдлаар 41 вагон АИ92, 260 вагон дизель түлш манай улс руу ачигдсан, замд явж байна. Улаанбаатар хотод 12 цагийн үед 29 вагон АИ92 шатахуун ирэх бол 14 цагт 34 вагон АИ92 шатахуун ачигдан ирэх хуваарьтай байна.

Нийслэлд АИ92 шатахууныг 107 шатахуун түгээх станц түгээж байна. Үүнээс

• 15 ШТС – 1 хошуу
• 59 ШТС – 2 хошуу
• 4 ШТС – 3 хошуу
• 12 ШТС – 4 хошуу
• 4 ШТС - 6 хошуу
• 1 ШТС – 8 хошуу -аар тус тус олгож байгаа аж. 

Шатахуун түгээх станцуудыг хошууныхоо тоог нэмэгдүүлэх үүрэг, чиглэл өгчээ.

Өчигдрийн /2026.08.06/ байдлаар 

• 10000 төгрөгөөс доош дүнгээр шатахууны худалдан авалт хийсэн 1500,
• 10000-40000 төгрөгөөр шатахууны худалдан авалт хийсэн 11000,
• 40000 төгрөгөөс дээш дүнгээр шатахуун худалдан авсан 50000 баримт бүртгэгджээ.

Эдгээрээс давтан худалдан авалт 40 хувьтай байна.