ТӨРИЙН АЛБАН ХААГЧДЫН ЦАЛИН ӨНӨӨДРӨӨС 10-20 ХУВИАР НЭМЭГДЭНЭ

Төрийн албан хаагчдын цалин хөлсийг үнийн өсөлттэй уялдуулан нэмэгдүүлэх талаар гаргасан Засгийн газрын шийдвэр өнөөдөр /2024.04.01/-өөс хэрэгжиж эхэлнэ.

Үүнд:

• Төрийн нийтлэг үйлчилгээний  албан хаагчдын үндсэн цалин 20 хувиар,
• Бусад төрийн албан хаагчдын цалин 10 хувиар тус тус нэмэгдэнэ.

Орон нутгийн нэмэгдлийг 

• Хөдөөгийн суманд ажиллаж байгаа албан хаагчид үндсэн цалингийн 40 хувиар,
• Аймгийн төв болон нийслэлийн алслагдсан гурван дүүрэг /Багануур, Багахангай, Налайх/-т ажиллаж байгаа төрийн албан хаагчид үндсэн цалингийн 20 хувиар тооцож олгоно. .

Архив, албан хэрэг хөтлөлт хариуцсан ажилтан, цаг уур, орчны шинжилгээний салбарын албан хаагчид, лабораторийн албан хаагчид, мал эмнэлгийн байгууллагын албан хаагчид, нийгмийн хамгааллын салбарын зарим албан хаагчдыг 2024 оны 4 дүгээр 1-ний өдрөөс ажлын онцлог, нөхцөлөөс хамааруулан төрийн нийтлэг үйлчилгээний албан тушаалаас төрийн мэргэжлийн үйлчилгээний албан тушаалд шилжүүлнэ.