2024 оны 3 дугаар сарын 5-ны 23 цагийн орчимд /Улаанбаатарын цагаар/ фэйсбүүк гэнэт ажиллахаа больсон. Мөн "Мета платформ"-ын инстаграм, мессенжер, wharsapp сүлжээ дэлхий даяар доголдсон юм.
Сүлжээ унахаас хэдэн цагийн өмнө инстаграмын сүлжээнд доголдол гарч эхэлсэн бөгөөд дараа нь фэйсбүүк болон мессенжер мөн адил гэнэтийн алдаа гарч, хүмүүс өөрийн хаягтаа орох боломжгүй болжээ.
Дэлхий нийтийг хамарсан фэйсбүүк болон бусад сүлжээний энэ доголдол дата төвүүдийн хооронд мэдээллийн урсгал зохицуулдаг төхөөрөмжийн тохиргооны алдаа гэж компани тайлбарлаж байна.
Энэ доголдолтой холбоотойгоор хөрөнгийн зах зээлд технологийн компаниудын хөрөнгийн биржийн үнэлгээ 2 хувиас илүү буурч, Facebook-ийн хувьцаа 5 хувиар буурч, бусад технологийн компаниудын хувьцааны ханш ч унасан гэнэ. Марк Цукербергийн хөрөнгө 6 тэрбум гаруй ам.доллараар буурсан талаар мэдээлэгдэж байна.
Өмнө нь 2021 онд "Facebook", "Instagram" болон "WhatsApp" платформууд зургаан цаг гаруй ажиллахаа больсон удаатай юм.
Сэтгэгдэл (0)
Сэтгэгдэл бичигдээгүй байна