Төрийн шагналт, Ардын уран зохиолч, яруу найрагч Дэндэвийн Пүрэвдоржийн бүтээл “Тусгаар тогтнол” шүлгийг нийслэлийн "Оюуны Ундраа" ерөнхий боловсролын сургуулийн сурагчид болон Хэнтий аймгийн 18 сум, 4 тосгоны нийт 3333 сурагч Д.Сүхбаатарын талбайд өнөөдөр /2026.04.03/ уншлаа.
Нийслэлийн ерөнхий боловсролын "Оюуны Ундраа" сургууль, Хэнтий аймгийн ЗДТГ, Боловсролын газар хамтран зохион байгуулсан энэхүү хөтөлбөрийг НИТХ, Нийслэлийн гэмт хэргээс урьдчилан сэргийлэх салбар зөвлөлөөс дэмжин хэрэгжүүлсэн юм.
Хүүхэд залууст эх орноо хайрлах сэтгэл, түүх соёлоо дээдлэх үзэл санааг төлөвшүүлэх, тусгаар тогтнол, эрх чөлөөний үнэ цэн, утга учрыг ойлгуулах эх оронч үзлийг төлөвшүүлэх зорилготой энэхүү хөтөлбөр 10 дахь жилийнхээ ойтой золгож буйгаараа онцлог юм. Өнөөдрийн арга хэмжээг НИТХ-ын төлөөлөгч Б.Сэмжидмаа, Л.Хосбаяр нар нээж үг хэлжээ.
Тус хөтөлбөрийг 2027 онд албан ёсоор нээж, хэрэгжүүлэх эрхийн шилжин явах цомыг Дорнод аймгийн ИТХ-ын дарга Т.Цолмонд албан ёсоор гардуулсан байна.
Сэтгэгдэл (0)
Сэтгэгдэл бичигдээгүй байна