НАУРЫЗЫН БАЯРЫН ҮЕЭР УРЛАГИЙН ТОГЛОЛТ, ҮЗЭСГЭЛЭН, БӨХИЙН БАРИЛДААН, МОНГОЛ БАНХАРЫН ХҮРЭЭ ЗЭРЭГ АРГА ХЭМЖЭЭ БОЛНО

Нийслэлийн засаг даргын тамгын газар, Нийслэлийн Аялал жуулчлалын газар, Баян-Өлгий аймгийн нутгийн зөвлөлтэй хамтран “Монголын наурызын баяр -2025” арга хэмжээг жанжин Д.Сүхбаатарын талбайд маргааш /2025.03.22/ зохион байгуулна.

Арга хэмжээний үеэр

• Казах үндэстний урлагийн болон жүжигчилсэн тоглолт

• Казах үндэстний бүрэн тоноглол бүхий гэр үзэсгэлэн
• Кураш бөхийн барилдаан
• Үндэсний тоглоом наадгай
• Хоол амталгаа,
• Гар урлалын үзэсгэлэн худалдаа,
• “Монгол банхар”-ын хүрээ зэрэг олон сонирхолтой арга хэмжээ болох юм. 

2024 онд ЮНЕСКО-ийн Соёлын биет бус өвийг хамгаалах тухай конвенцын Засгийн газар хоорондын хорооны 19 дүгээр чуулганаар Монгол Улсаас “Наурыз” буюу “Нарны баяр”-ыг бүртгүүлэн батлуулснаар дэлхийн биет бус өвийн жагсаалтад багтсан байдаг.

Эдүгээг хүртэл хэдэн зуун жил хадгалагдаж, үе дамжин өвлөгдсөөр ирсэн Казах түмний дахин давтагдашгүй соёл, уламжлал, ахуй амьдралын онцлогийг тус арга хэмжээнээс үзэж сонирхох боломжтой.