Хууль зүй, дотоод хэргийн сайд Л.Мөнхбаатарыг өмнөх сайдтай нь харьцуулж, нийгэмд гараад буй томоохон хэргүүдийн талаар ярихгүй байна гэж цахим орчинд зарим хүн үзэл бодлоо илэрхийлсэн. Тэгвэл Л.Мөнхбаатар сайд өөрийн цахим хуудастаа "Хууль зүй, дотоод хэргийн сайд бол хэрэг ярьдаг бус бодлого ярьдаг байх ёстой" хэмээжээ.
Л.Мөнхбаатар "Хууль зүй, дотоод хэргийн сайд бол хэрэг ярьдаг бус бодлого ярьдаг байх ёстой. Аливаа хэргийг шалгах үйл ажиллагаанд сайд хөндлөнгөөс оролцдоггүй,
Тиймээс нийгэмд үүсээд байгаа нөхцөл байдалтай холбогдуулан цагдаагийн байгууллагад прокурортой хамтран, хуулийн хүрээнд тодорхой мэдээллийг олон нийтэд цаг тухай бүрд өгч байхыг үүрэг болголоо.
Өөрөөр хэлбэл Хууль зүй, дотоод хэргийн сайд бол хэрэгт хөндлөнгөөс нөлөөлдөг, хэрэг бүртгэл, мөрдөн шалгах ажиллагаанд оролцдог субьект биш.
Гэмт хэрэгтэй тэмцэх, нийтийн хэв журам болон олон нийтийн аюулгүй байдлыг хамгаалах чиглэлд харьяа байгууллагад бодлогын дараах үүрэг даалгаврыг яаралтай хэрэгжүүлэхийг чиглэл болгов.
Энэ хүрээнд хар тамхи, мансууруулах бодистой тэмцэх хууль эрх зүйн орчныг өөрчлөн ялын бодлогыг чангатгах, хар тамхитай тэмцэх хараат бус, бие даасан агентлаг, албыг нэн даруй байгуулах, гэмт хэрэгт холбогдон гадаад улсад оргон зайлсан этгээдийн гадаад паспортыг түдгэлзүүлэн хүчингүй болгож, олон улсын холбогдох байгууллагатай хамтран ажиллах, донтогчдын судалгааг нарийвчлан гаргах, хяналт шинжилгээний ажилд шаардлагатай төсвийг шийдвэрлүүлэх зэрэг болно." гэсэн байна.
Сэтгэгдэл (0)
Сэтгэгдэл бичигдээгүй байна