Улаанбурхан өвчний 4 тохиолдол батлагдаж, нийт өвчлөлийн тоо 66 хүрсэн гэж ХӨСҮТ-ээс мэдээллээ. Эдгээрийн хоёр нь Улаанбаатарт, хоёр нь Дундговь аймагт бүртгэгдсэн байна. Нийт 66 тохиолдлоос эдгэрч гарсан нь 23 байгаа аж. Нууц үеийн хугацаа нь дуусаад бүрэн хяналтаас гарсан 5 тохиолдол байна.
Гуравдугаар сарын 14-нөөс хойш нэмэгдсэн үзүүлэлттэй байгаа нь тухайн өвчний нууц үеийн хугацаа нь дунджаар 14-21 хоног байдаг. цагаан сар болж иргэдийн хөдлөгөөн нэмэгдсэнтэй холбоотой, яг нэг нууц үеийн хугацааны дараа ерөнхийдөө нэмэгдсэн үзүүлэлттэй байна гэв.
Дийлэнх нь тохиолдол нь Улаанбаатар хотод бүртгэгдсэн, мөн Булган, Дундговь, Өмнөговь аймгуудад батлагдсан үзүүлэлттэй байна. Өвчилсөн тохиолдлын хүйсийн байдал ижил түвшинд байгаа бол насны хувьд хамгийн их тохиолдож байгаа нь 10-14 нас гэв.
Голомтолсон байдлыг авч үзвэл Улаанбаатар хотын хэмжээнд 12 сургууль, Дундговь, Өмнөговь аймгийн ерөнхий боловсролын сургуулийн хүүхдүүд байна. Эдгээр хүүхдүүдийн дийлэнх нь вакцинжуулалтад огт хамрагдаагүй, эсвэл тун дутуу хамрагдсан хүүхдүүд байгааг онцоллоо.
Сэтгэгдэл (0)
Сэтгэгдэл бичигдээгүй байна