Улаанбурхан өвчний батлагдсан тохиолдлын тоо 2025 оны 3 дугаар сарын 19-ний 22 цагийн байдлаар нийт 62 болсон талаар ХӨСҮТ-ээс мэдээллээ.
Мөн өдөр Булган аймгаас мэдээлэгдсэн улаанбурхан өвчний сэжигтэй 1 тохиолдол лабораториор батлагджээ. Түүнчлэн Төв аймгаас улаанбурханы сэжигтэй 1, Орхон аймгаас улаанбурхан өвчний сэжигтэй 3 тохиолдол тус тус мэдээлэгдэж, тандалт судалгаа, шинжилгээ хийгдэж байна.
Иймд эцэг, эх, асран хамгаалагчид хүүхдийнхээ улаанбурханы эсрэг товлолт вакцинд 9 сартай болон 2 настайд бүрэн хамруулсан эсэхийг тодруулах, товлолын дагуу улаанбурханы эсрэг вакцины 2 тунд хамрагдаагүй бол өрх, сумын эрүүл мэндийн төвд хандан улаанбурханы эсрэг вакцинд нөхөж хамруулахын сануулсан байна. Тодруулах, лавлах зүйлс байвал 89016199, 75 103 100 утсанд хандах боломжтой.
Сэтгэгдэл (0)
Сэтгэгдэл бичигдээгүй байна