"Монгол Улсын хүн амын хоол тэжээлийн байдал" үндэсний VI судалгаагаар нийт өрхийн 2.7 хувь хүнсний баталгаат байдал ноцтой алдагдсан, өрхийн иоджуулсан давсны хэрэглээг өмнөх судалгаанаас буурсан буюу 47.1 хувьтай гарсан байна.
Ерөнхий боловсролын сургуулийн 6-18 насны хүүхдүүдийн 19.6 хувь илүүдэл жин ба таргалалттай, 7.6 хувь цус багадалттай, 89.1 хувь нь Д аминдэм хангалтгүй байгааг судлан тогтоосон.
Жирэмсэн эмэгтэйчүүдийн дунд цус багадалт 22.3 хувь, Д аминдэмийн дутал буюу нөөц дутмаг 92.0 хувь байв.
Судалгаанд хамрагдсан 15-49 насны эрэгтэйчүүдийн 57.4 хувь, эмэгтэйчүүдийн 53.0 хувь нь илүүдэл жин таргалалттай байна.
“Хүн амын хоол тэжээлийн байдал” үндэсний VI судалгаанд Монгол Улсын нийгэм эдийн засгийн 4 бүсийн 21 аймаг, 112 сум, Улаанбаатар хотын 8 дүүргийн 40 хорооны 0-59 сартай хүүхэдтэй өрх, 15-49 насны эмэгтэй, 15-49 насны эрэгтэй, ЕБС-ийн 6-18 насны хүүхэд, жирэмсэн эмэгтэйчүүд, нийт 14833 хүн хамрагдсан.
Сэтгэгдэл (0)
Сэтгэгдэл бичигдээгүй байна