Он гарснаас хойш менингококкт халдварын 3 сэжигтэй тохиолдол бүртгэгдээд байсан. Үүнээс Налайх дүүрэгт 3 настай хүүхэд менингококкт халдвараар өвдсөн болох нь батлагдаж, харамсалтайгаар эндсэн.
Баянгол дүүрэгт бүртгэгдсэн сэжигтэй тохиолдлын хариу 2025 оны хоёрдугаар сарын 4-ний өдөр сөрөг гарсан юм. Тэгвэл Баянзүрх дүүрэгт бүртгэгдсэн сэжигтэй тохиолдлын хариу мөн сөрөг гарсан байна.
Менингококкт халдвар тархалтын хувьд төдийлөн өргөн хүрээтэй биш байдаг, 1 метрээс ойр харилцсан хүн л халдвар авах магадлалтай. Өвчний хүндрэл маш хурдацтай явагддаг, дархлаа дутмагшилтай хүмүүс, хүүхдүүд, ахмад настнууд нэн хүндээр өвдөх эрсдэл өндөр, эндэгдэл их байдаг учир сэрэмжлүүлэг байнга явуулж байгаа хэмээн Эрүүл мэндийн байгууллагууд мэдэгдэж байгаа юм.
Сэтгэгдэл (0)
Сэтгэгдэл бичигдээгүй байна