Халдварт өвчин судлалын үндэсний төвөөс өнөөдөр /2025.01.31/ мэдээлэл хийлээ.
Налайх дүүрэгт менингококкт халдвараар өвчилсөн 3 настай хүүг ХӨСҮТ рүү шилжүүлсэн ч биеийн байдал маш хүнд байсаар өнөөдөр /2025.01.31/ үдээс өмнө эндсэн гэв.
2024 онд таван сэжигтэй тохиолдол бүртгэгдсэнээс 2 нь батлагдаж, эмчлэгдээд гарсан. 2025 онд 2 сэжигтэй тохиолдол бүртгэгдсэнээс нэг нь Налайхынх, нөгөө нь өчигдөр /2025.01.30/ нийслэлийн Баянгол дүүргээс сэжигтэй тохиолдол ирээд лабораторийн шинжилгээний дүн гарч байна гэлээ.
Менингококкт халдвар нь цочмог цонхийж цайж өндөр халуурч, тууралт гардаг, богино хугацаанд хүндрэх эрсдэлтэй, нэн ялангуяа 0-5 насны хүүхдүүд маш хурдан хүндэрдэг тул шинж тэмдэг илэрвэл эрүүл мэндийн байгууллагад яаралтай хандахыг зөвлөв.
Сургууль, цэцэрлэгийн хүүхдүүдэд амны хаалт тогтмол зүүлгэх, ариутгал халдваргүйжүүлэлт, агаар сэлгэлт сайн хийхийг санууллаа.
Менингококт халдварын дэгдэлт 10 жилийн циклтэй явагддаг, 2015 онд дэгдэж байсан учир 2025, 2026, 2027 онуудад дэгдэлт болж магадгүй гэж үзэж байгаа аж.
Сүүлийн 10 жилд менингококкт халдварын 98 тохиолдол бүртгэгдсэн байна.
Сэтгэгдэл (0)
Сэтгэгдэл бичигдээгүй байна