Эрүүл мэндийн сайд Т.Мөнхсайхан Баянхонгор аймагт өчигдөр /2024.01.09/ ажиллажээ.
Үүнтэй зэрэгцэн ДЭМБ-ийн Монгол дах суурин төлөөлөгч Др Сокорро Эскаланте Баянхонгор аймагт хүрэлцэн ирж тус аймгийн эрүүл мэндийн салбарын үйл ажиллагаатай танилцсан байна.
Баянхонгор аймаг энэ оныг “Эрүүл мэндийг дэмжих жил” болгон зарлаж, нийт төсвийнхөө 60-70 хувийг Эрүүл мэндийн салбарт зарцуулахаар төлөвлөсөн төдийгүй, Наркологийн эмнэлгийг ашиглалтад оруулах, Нэгдсэн эмнэлгийн Амбулторийг гүйцэд тохижуулах, хүн амын тэргүүлэх өвчлөлөө бууруулах зэрэг төлөвлөгөөг Баянхонгор аймгийн Засаг дарга Д.Мөнхсайхан танилцуулжээ. 
ДЭМБ, Эрүүл мэндийн яамтай хамтран Баянхонгор аймагт, НЭМ-ийн лабораторийн тоног төхөөрөмж болон 10 аймгийн яаралтай тусламжийн төвийг сайжруулах, Баянхонгор аймгийн Нэгдсэн эмнэлгийн шинэ амбулаторийн тоног төхөөрөмжийн асуудалд дэмжлэг үзүүлэх, сүрьеэгийн M2 төслийн хүрээнд шинэ тоног төхөөрөмж нийлүүлэх боломжтой гэдгийг онцоллоо. 
Харин Эрүүл мэндийн яамнаас Баянхонгор аймгийн нэгдсэн эмнэлгийн шинэ амбулторийг тохижуулахад 1 тэрбум төгрөгийн тоног төхөөрөмжийг шийдвэрлэв. Мөн “Төвлөрлийг сааруулах” бодлогын хүрээнд “Үндэсний баг” ажиллах, гадаад дотоодын сургалтанд эмч мэргэжилтнүүдийг хамруулах, нийгмийн эрүүл мэндийг дэмжих бодлогын ажлуудыг Баянхонгор аймагт хийнэ.
Сэтгэгдэл (0)
Сэтгэгдэл бичигдээгүй байна